CNN-ის ინფორმაციით, სტამბოლში, ათათურქის აეროპორტში მომხდარი ტერაქტის შედეგად დაღუპულთა რიცხვი 42-მდე გაიზარდა. ამ დროისთვის მომხდარზე პასუხისმგებლობა არცერთ ტერორისტულ დაჯგუფებას არ აუღია, სამართალდამცავი ორგანოები კი ჯერჯერობით არ ასაჯაროვებენ ინფორმაციას იმ 3 თვითმკვლელ ტერორისტთან დაკავშირებით, რომლებმაც აეროპორტში თავი აიფეთქეს.

ადგილობრივი სამართალდამცავი უწყებების განმარტებით, 2-მა პირმა თავი აეროპორტის შენობაში, მესამემ კი პარკინგის ტერიტორიაზე აიფეთქა თავი.

როიტერის ცნობით, ვიდეო მასალის შესწავლისა და თვითმხილველების დაკითხვის შედეგად, თურქი გამომძიებლები ამბობენ, რომ თვითმკვლელი ტერორისტები, სავარაუდოდ, ISIS-ის წევრები იყვნენ.

ტერაქტის შედეგად დაღუპულთა შორის 5 საუდის არაბეთის, 2 კი ერაყის მოქალაქეა. გარდა ამისა გარდაცვლილები არიან ჩინეთის, იორდანიის, ტუნისის, უზბეკეთის, ირანისა და უკრაინის მოქალაქეები.

28 ივნისს, ღამით, სტამბოლის ათათურქის სახელობის აეროპორტში, აფეთქებას სულ 42 ადამიანი ემსხვერპლა 239-ზე მეტი კი დაშავებულია. მომხდარზე ჯერჯერობით არცერთ ტერორისტულ დაჯგუფებას არ აუღია პასუხისმგებლობა.