რამდენიმე დღის წინ, ლოს-ანჯელესში, 20th Century Fox-ის სტუდიის მიმდებარე ქუჩებზე მსახიობ მერილ სტრიპისა და პროდიუსერ ჰარვი ვაინშტაინის პოსტერები გამოჩნდა, რომელზეც სამი ოსკარის მფლობელ სტრიპს თვალებზე წარწერა აქვს - "მან იცოდა".

პოსტერის ავტორები სტრიპს ადანაშაულებდნენ იმაში, რომ მან ვაინშტეინის მხრიდან ქალებზე ძალადობის ყველა ფაქტი იცოდა, მაგრამ ამაზე ხმამაღლა არასდროს ლაპარაკობდა.

მაშინ მედია ალაპარაკდა, რომ ამ ამბის ინსპირაცია როუზ მაკგოვანისა და მერილ სტრიპის დაპირისპირება გახდა.

თუმცა როგორც დღეს გახდა ცნობილი, პოსტერების გაკვრისთვის ანონიმ არტისტებს შეძლებული კონსერვატორები აფინანსებდნენ და თითო განხორციელებული მისიისთვის $5 ათასიდან $20 ათასამდე უხდიდნენ.

როგორც თავად არტისტები ყვებიან, მათი და დამფინანსებლებიც იდეაც, იმ შიშის ჩვენება იყო, რაც ლიბერალურ ჰოლივუდში კონსერვატორ ადამიანებს აქვთ და ზურგის შექცევისა და გარიყვის შიშით ჩუმად არიან, საკუთარ მოსაზრებებს კი ხმამაღლა არასდროს აჟღერებენ.

მათგან ერთ-ერთი ქუჩის ხელოვანი დამოუკიდებლად მუშაობს, თუმცა ამ ბოლო დროს ისინი გაერთიანდნენ, რათა ჰარვი ვაინშტაინის საქმეზე ერთად ემუშავათ. როგორც ისინი ამბობენ, მათი მთავარი მიზანი იყო ჰოლივუდი თვალთმაქცობის გამო ემხილათ.

ამ ქუჩის ხელოვანებიდან ორი დღემდე კინოინდუსტრიაში მუშაობს და თავის დასაცავად ამჯობინებენ, ანონიმურად დარჩნენ.

ერთი მათგანი დარწმუნებულია, რომ სამსახურიდან გამოუშვებენ თავისი საჯარო ხელოვნებისთვის, რომლითაც ის მსახიობებს, შოუებსა და ფილმებს დასცინის.

სტრიპის გარდა, არტისტებმა სტივენ სპილბერგის ახალი ფილმის The Post პოსტერიც გამოიყენეს, რომელზეც ამჯერად, მერილის გარდა, ტომ ჰენქსიცაა გამოსახული. მასზე ძველ წარწერას, სადაც სტრიპი ამბობს - "მე ვიცოდი", ჰენქსი პასუხობს - "ჩვენ ყველამ ვიცოდით"

ასევე რამდენიმე ადგილას ჰარვი ვაინშტაინისა და გვინეტ პელტროუს პოსტერებიც გააკრეს.

ერთ-ერთ პოსტერს გამოეხმაურა მასზე გამოსახული ტელეწამყვანი ჯიმი კიმელი.

"მე მიყვარს სტრიპი, მაგრამ ის და მისი გავლენა პოლიტიკოსების იარაღად გადაიქცა, რაც ჰოლივუდს ანადგურებს", - ამბობს ერთ-ერთი არტისტი.

როგორც არტისტი, რომელიც საკუთარ თავს საბოს უწოდებს, ამბობს, ის და მისი გუნდი კიდევ უფრო გააქტიურდება.