BBC-ის პოპულარული სერიალის Mrs Brown’s Boys-ის შემქმნელიის ბრენდონ ოკაროლის მოთხოვნით რუსულ კომპანიას შოუს შეძენის უფლება ჩამოართვეს.

მიზეზად კი რუსული კომპანიის ცენზურა სახელდება, რომლის მიხედვითაც ისინი სერიალიდან გეი პერსონაჟის ამოჭრას მოითხოვდნენ.

შოუს შემქმნელი, რომელიც ამავდროულად Mrs Brown’s Boys-ში მთავარ როლსაც ასრულებს ამ შემთხვევას სამარცხვინოს უწოდებს.

"შოუს რუსეთზე მიყიდვას ჩვენთვის დიდი შემოსავლის მოტანა შეეძლო, თუმცა მათ ერთი პრობლემა ჰქონდათ, თქვეს, რომ შოუდან გეი პერსონაჟის ამოჭრა სურდათ. გვითხრეს, რომ მათ არ სჭირდებოდათ გეები, მე კი ვუთხარი - არ იქნება გეი? არ იქნება შოუ თქვენს ქვეყანაში. სულ ეს იყო", - ამბობს ოკაროლი.

შოუს დიდ ბრიტანეთში უკვე შვიდ წლიანი სტაჟი აქვს და დღემდე ერთ-ერთ ყველაზე პოპულარულ სიტიკომად რჩება.

"სერილიდან გეი პერსონაჟის ამოჭრა რუმინეთშიც სურდათ, მაგრამ უარის შემდეგ ისე დატოვეს როგორც არის, უბრალოდ თარგმანის დროს არასდროს ახსენებენ, რომ ის პერსონაჟი გეია", - ამბობს შოუს შემქმნელი და მთავარი როლის შემსრულებელი.