სურსათის ეროვნული სააგენტოს კვლევის შედეგად, აღებული 90 ნიმუშიდან 12-ის შემადგენლობაში ცხენისა და ვირის ხორცი აღმოჩნდა. ეტიკეტზე კი საქონლის ან ღორის ხორცი იყო მითითებული.

სურსათის ეროვნული სააგენტო ხორცის სახეობრივ კვლევას 2017 წლის მარტიდან ატარებს. საზოგადოებრივი კვების და სარეალიზაციო ობიექტებიდან აღებული მზა კერძების და სხვა სახის სურსათის ნიმუშები სააგენტომ აკრედიტებულ ლაბორატორიაში შეამოწმა.

გამოვლენილი დარღვევების გამო შემდეგი ბიზნესოპერატორები დაჯარიმდნენ და საეჭვოდ მიჩნეული სურსათის ბაზრიდან გამოთხოვა დაევალათ:

  1. ნიმუშის აღების ადგილი და მწარმოებელი - შპს ნავთლუღის სავაჭრო შემსყიდველი საწარმო, თბილისი, მეველეს N3 - ცხენის ხორცი;
  2. ნიმუშის აღების ადგილი და მწარმოებელი - ი/მ იზოლდა ევგენიძე კაფე-ბარი ჩვენებურები, ბათუმი, მაიაკოვსკის N1 - ცხენის ხორცი;
  3. ნიმუშის აღების ადგილი და მწარმოებელი - ი/მ ბაკური ბათუმის აგრარული ბაზარი, ბათუმი, მაიაკოვსკის N4 - ცხენის ხორცი.
  4. ნიმუშის აღების ადგილი - ი/მ მაია გოგიჩაიშვილი (მარკეტი), ქარელი, სტალინის N40; მწარმოებელი - შპს ელფუდი, თბილისი, ჩაჩავას 2-4-6-8-10 ნაკვეტის 4/6 - ცხენის ხორცი;
  5. ნიმუშის აღების ადგილი და მწარმოებელი - შპს მაკრატელა, ქარელი, ნინოშვილის N22-ში სასადილო - ცხენის ხორცი;
  6. ნიმუშის აღების ადგილი და მწარმოებელი - ი/მ ოთარი ხარშილაძე, ახმეტელის მეტროს მიმდებარე ტერიტორია, სასადილო - ცხენის ხორცი;
  7. ნიმუშის აღების ადგილი და მწარმოებელი - შპს იმედი 2012, თბილისი, გლდანი მე-8 მკ რაიონი კ.9, დირექტორი - გიორგი ბარათაშვილი - ცხენის ხორცი;
  8. ნიმუშის აღების ადგილი - შპს გემო ნახე, სამგორის ზედა ამოსასვლელი, ფართი N36; მწარმოებელი - შპს გაუშა თბილისი, ბოგდან ხმელინსკის N103 - ცხენის ხორცი;
  9. ნიმუშის აღების ადგილი - შპს იბერია ბაზარი, რეალიზატორი გივი დემეტრაშვილი, თბილისი, წინამძრვრიშვილის N133; მწარმოებელი - შპს კავკასია N1, ქინძმარაულის 1 - ცხენის ხორცი;
  10. ნიმუშის აღების ადგილი - შპს გ.რ.ზ.ა მარკეტი, ბათუმი, ანგისის N2; მწარმოებელი - შპს მეგა, ნახევარფაბრიკატების საწარმო
  11. ნიმუშის აღების ადგილი - ი/მ თეიმურაზ ნიაზაშვილი (საცალო ვაჭრობა), გორი, შინდისის გზატკეცილი N7; მწარმოებელი - ი.მ თ. ნიაზაშვილი - ცხენის ხორცი;
  12. ნიმუშის აღების ადგილი და მწარმოებელი - ი/მ შალვა არჩვაძე საზოგადოებრივი კვება - ვირის ხორცი.

ცხენის ან ვირის ხორცის რეალიზაციის შემთხვევაში, აუცილებელია კანონმდებლობით გათვალისწინებული მოთხოვნების დაცვა. პირუტყვი უნდა იყოს იდენტიფიცირებული, ჩატარებული ჰქონდეს შესაბამისი ვეტერინარული ღონისძიებები (ვაქცინაცია და ა.შ) და უნდა დაიკლას სასაკლაოზე. სავალდებულოა ხორცი იყოს ეტიკეტირებული და მითითებული იყოს ხორცის სახეობა.