შინაგან საქმეთა სამინისტროს ინფორმაციით, თბილისში, ვარკეთილში საქართველოს ბანკის ფილიალი დააყაჩაღეს. როგორც უწყების პრესსამსახურმა On.ge-ს უთხრა, გამოძიება სისხლის სამართლის კოდექსის 179-ე მუხლითაა დაწყებული, რაც ყაჩაღობას გულისხმობს.

გუშინ, 18 დეკემბერს, წერეთლის გამზირზე მდებარე საქართველოს ბანკის ექსპრეს ფილიალ დააყაჩაღეს. უწყების თქმით, ბრალდებული ფილიალში შეიჭრა და მოლარე-ოპერატორს ცეცხლსასროლი იარაღის მუქარით თანხა გასტაცა და შემთხვევის ადგილიდან მიიმალა. სამართალდამცველებმა ბრალდებული მომხდარიდან რამდენიმე საათში დააკავეს.