კანის მერის, დევიდ ლისნარის გადაწყვეტილებით, აპრილში, ლაჟვარდოვან სანაპიროზე სერიალების პირველი ფესტივალი ჩატარდება.

ფესტივალს ჟან ჟაკ ანაუდის სატელევიზიო შოუ, The Truth About the Harry Quebert Affair, გახსნის, რომელშიც მთავარ როლებს გრეის ანატომიის ვარსკვლავი პატრიკ დემპსი ასრულებს.

შოუს მთავარი პერსონაჟი ახალგაზრდა მწერალი, მარკუს გოლდმანია, რომელიც ახალი წიგნის დასაწერად შთაგონების წყაროს ეძებს. ამისთვის ის ნიუ ჰემფშირში, კოლეგა პროფესორის, ჰარი ქიუბერტის სახლში გადადის საცხოვრებლად, სწორედ ეს უკანასკნელი აღმოჩნდება მისი რომანის მთავარი გმირი.

კანის სერიალების საერთაშორისო ფესტივალი 4-დან 11 აპრილის ჩათვლით ჩატარდება, დაახლოებით ერთი თვით ადრე, ვიდრე კანის კინოფესტივალი.

შეიძლება ითქვას, რომ სერიალების ფესტივალი გარკვეულწილად, Mip TV-ის კონკურენტია, რომელიც ასევე კანში ტარდება და მისი მთავარი მიზანი სატელევიზიო შოუებისა და ფილმების მსოფლიო ბაზარზე გაყიდვაა.

როგორც ცნობილია, ფესტივალის ფარგლებში ათი ახალი სერიალის პრემიერა შედგება.