მსოფლიო ბანკის დაფინანსებით, აბასთუმნის ობსერვატორიისა და გელათის ტაძრის რეაბილიტაცია იგეგმება. შესაბამის ტენდერები მუნიციპალური განვითარების ფონდმა გუშინ, 14 დეკემბერს გამოაცხადა.

გელათის ღვთისმშობლის ტაძრის ეკვდერების გადახურვის, ცოკოლის და სადრენაჟო სისტემის რეაბილიტაციის მომსახურების შესყიდვის სავარაუდო ღირებულება 1,3 მილიონზე მეტია. გრანტის ნაწილი, 2 მილიონ-ნახევარ ლარზე მეტი კი გათვალისწინებულია აბასთუმანში ასტროფიზიკური ობსერვატორიის რეაბილიტაციისთვის.