დიდი პატარა ტყულები ლიან მორიარტის რომანია, რომელიც მწერალმა 2014 წელს გამოაქვეყნა და ლიტერატურის კრიტიკოსებისა და მკითხველის დიდი სიყვარული დაიმსახურა.

წიგნის პოპულარობიდან გამომდინარე, 2016 წელს ეკრანზე HBO-ს ამავე სახელწოდების სერიალი გამოვიდა, რომელშიც მთავარ როლებს ნიკოლ კიდმანი, რიზ უიზერსპუნი, შეილინ ვუდლი, ლორა დერნი და ალექსანდრ სკარსგარდი.

მინისერიალმა გამოსვლის დღიდან დაიმსახურა მაყურებელთა და კრიტიკოსთა დადებითი შეფასება. მიიღო ემი (როგორც სერიალმა, ისე მსახიობებმა) და ოქროს გლობუსზე ერთ-ერთ მთავარ კანდიდატად სახელდება.

ქართველი მკითხველის სასიხარულოდ, კი უნდა ვთქვათ, რომ გამომცემლობამ წიგნები ბათუმში გადაწყვიტა მორიარტის პოპულარული წიგნი ქართულ ენაზე თრგმნოს, მისი გამოცემა კი 2018 წლის მარტში იგეგმება.

"დიდი ხანია გვინდოდა ამ წიგნის თარგმნა, თემატიკის გამო. გამომცემლობისთვის პრიორიტეტულია წიგნები ქალთა უფლებებზე, ოჯახში ძალადობაზე და ა.შ. მით უმეტეს, ქალი ავტორების წიგნები. ეს წიგნიც, მიუხედავად იმისა, რომ სტილი მსუბუქია, ეხება ძალიან მნიშნელოვან პრობლემებს და დიდი ხანია მიზანში გვქონდა ამოღებული. საბოლოო გადაწყვეტილების მიღებაში რა თქმა უნდა დიდი როლი ითამაშა სერიალის უზომოპოპულარობამ.", - ამბობს On.ge-სთან საუბარში მთარგმნელი და გამომცემლობა წიგნები ბათუმშის ერთ-ერთი დამფუძნებელი მარიამ კორინთელი.

აქვე გეტყვით იმასაც, რომ HBO-მ ცოტა ხნის წინ სერიალის მეორე სეზონიც დააანონსა. რომლის რეჟისორიც ანდრეა არნოლდი იქნება.