ადამიანის უფლებათა ევროპულმა სასამართლომ საქმის ტელეკომპანია რუსთავი 2-ისა და მისი მფლობელების საქმის დასაშვებობაზე მსჯელობა დაიწყო. ამის შესახებ ინფორმაციას საქართველოს იუსტიციის სამინისტრო აქვეყნებს.

უწყების ინფორმაციით, სტრასბურგის სასამართლო თავის წერილში საქართველოს მთავრობას კითხვებს უსვამს თითოეულ მომჩივანთან დაკავშირებით. საქართველოს მთავრობამ კითხვებს 2018 წლის 29 მარტისთვის უნდა უპასუხოს. ამის შემდეგ მთავრობის პასუხები და არგუმენტები მომჩივნებს გადაეგზავნებათ და კონტრარგუმენტების წარსადგენად სექციის თავმჯდომარის მიერ რამდენიმეკვირიანი ვადა განესაზღვრებათ. საჩივრის დასაშვებობაზე მსჯელობა სწორედ ამ პროცედურების გავლის შემდეგ დაიწყება.

მომჩივნებთან დაკავშირებული კითხვები შეგიძლიათ ნახოთ აქ.

მიმდინარე წლის 2 მარტს საქართველოს უზენაესმა სასამართლომ სააპლეციო და საქალაქო სასამართლოების მსგავსად რუსთავი 2 ქიბარ ხალვაშს მიაკუთვნა. ამ გადაწყვეტილების მიღებიდან რამდნიმე საათში არხმა და მისმა მფლობელემა გადაწყვეტილება ადამიანის უფლებათა ევროპულ სასამართლოში გაასაჩივრეს.