თბილისის პირველი ექსპერიმენტული სკოლის დირექტორი, ხათუნა ბარაბაძე საზოგადოებრივ მაუწყებელთან ამბობს, რომ ხორავას ქუჩაზე მომხდარ ფაქტთან დაკავშირებით დაკავებული და ძებნილი არასრუწლოვნები მისი სკოლის მოსწავლეები არიან. მისივე თქმით, ძებნილის ადგილსამყოფელის შესახებ ოჯახის წევრებმა არ იციან:

"დაკავებული ბავშვი ბრალს არ აღიარებს, ნამდვილად არ აღიარებს ბრალს, ეს ვიცი ბავშვის მშობლისგან, რადგან სამართალდამცავებთან არ მქონია. მეორე რამდენადაც ვიცი, მშობელთან კომუნიკაციის შედეგად, თვითონაც არ იციან სად არის".

მკვლელობაში ბრალდებული არასრულწლოვნის ინტერესებს სახაზინო ადვოკატი იცავს და ოფიციალურად ბრალს მას დღეს წარუდგენენ.

პირველ დეკემბერს, თბილისში, ხორავას ქუჩაზე არასრულწლოვნებს შორის დაპირისპირების შედეგად დაჭრილი სკოლის მოსწავლე საავადმყოფოში მისვლამდე დაიღუპა. ცივი იარაღით დაჭრილი მეორე არასრულწლოვანი, მომხდარიდან მეორე დღეს საავადმყოფოში გარდაიცვალა.

გამოძიება დამამძიმებელ გარემოებებში ჩადენილი განზრახ მკვლელობის ფაქტზე მიმდინარეობს (საქართველოს სსკ-ის 109 მუხლით).