შინაგან საქმეთა სამინისტრო ხორავას ქუჩაზე მომხდარ არასრულწლოვანთა დაპირისპირების შედეგებს ეხმაურება და აცხადებს, რომ არასრულწლოვანთა მართლმსაჯულების სფეროში გატარებული რეფორის მიუხედავად, დანაშაულის პრევენცია ისევ გამოწვევაა მათთის.

უწყების პრესსამსახურის მიერ გავრცელებულ განცხადებაში ნათქვამია, რომ შსს ძალადობის თითოეულ ფაქტს უმკაცრესად უპასუხებს.

შსს ამ მიზნით სხვა სახელმწიფო უწყებებთან, საზოგადოებასთან და საერთაშორისო ორგანიზაციებთან მჭიდრო თანამშრომლობის აუცილებლობაზე მიუთითებს. ასევე, პასუხისმგებლობას იზიარებს, როგორც საგანმანათლებლო სისტემასთან, ასევე აღნიშნავს იმასაც, რომ დასახვეწია მანდატურების ინსტიტუტიც:

"მნიშვნელოვანია თავად საგანმანათლებლო სისტემის როლი არასრულწლოვნების აღზრდაში და მათი ცნობიერების ჩამოყალიბებაში. გასაძლიერებელია საზოგადოების, მათ შორის პედაგოგების, ფსიქოლოგების და მშობლების ერთობლივი ძალისხმევა ამ მიმართულებით.

დასახვეწია მანდატურების ინსტიტუტიც, რათა მათ უზრუნველყონ არა მხოლოდ სკოლის ტერიტორიაზე წესრიგის და უსაფრთხოების დაცვა, არამედ იმ კონფლიქტების პრევენცია, რომლებიც საგანმანათლებლო სივრცეში იწყება და პოტენციურად შესაძლოა ამ სივრცის გარეთ გაგრძელდეს".