საქართელოს პარლამენტმა პლენარულ სხდომაზე საკონსტიტუციო სასამართლოს მოსამართლედ აირჩიეს. გოცირიძეს მხარი 90-მა დეპუტატმა დაუჭირა, წინააღმდეგი - 0.

ის ლალი ფაფიაშვილს ჩაანაცვლებს, რომელსაც უფლებამოსილების ვადა ეწურება. გოცირიძე ამ თანამდებობაზე ათი წლის ვადით დაინიშნა.

ევროპულმა საქართველომ კენჭისყრამდე განაცხადა, რომ გოცირიძის კანდიდატურას მხარს არ დაუჭერდნენ.

2017 წლის აპრილში გოცირიძე გამოვიდა ინიციატივით, რომ მოსამართლეთა შეურაცხყოფისთვის რეგულაციები დაწესებულიყო. მანვე განაცხადა, რომ ეთიკის ქარტია არაეფექტური ორგანოა და მას არ შეუძლია ჟურნალისტს დაუწესოს სანქცია ან აღძრას დისციპლინური დევნა.

სამოქალაქო საზოგადოების ღია პროტესტის მიუხედავად მან 2015 წლის 25 დეკემბერს მხარი დაუჭირა ლევან მურუსიძის სააპელაციო სასამართლოში არჩევას. მისი თქმით, მთავარი არგუმენტი მურუსიძის სასარგებლოდ მოსამართლეთა კორპუსის მხარდაჭერა იყო.

ევა გოცირიძემ რუსთავი 2-ის საქმესთან დაკავშირებით ასევე განაცხადა, რომ როცა საქმე ეხება სასამართლოს დამოუკიდებლობას, შესაძლოა შეიზღუდოს მედიის გამოხატვის თავისუფლება. მისი თქმით, არასამთავრობოებსა და მედიას გამოხატვის თავისუფლება "ვულგარულად ესმის". საქმე ეხებოდა კონკრეტულად მოსამართლე თამაზ ურთმელიძის კრიტიკას.

ევა გოცირიძე ევროსასამართლოს მოსამართლეობის კანდიდატი იყო. ევროსაბჭოში 24 იანვარს გამართულ შეხვედრაზე საქართველოდან მოსამართლეები უნდა დაემტკიცებინათ, თუმცა, პროცესი ჩაიშალა, რის გამოც საქართველოს ხელისუფლებას კონკურსის ჩატარება ხელახლა მოუწია და ევროსაბჭოს ახალი სია წარუდგინა.

ევა გოცირიძეს ბიოგრაფია

ევა გოცირიძემ დაამთავრა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 1987 წელს.

2013 წლიდან დღემდე არის იუსტიციის უმაღლესი საბჭოს წევრი. საბჭოს წევრი ის 1997-2000 წლებშიც იყო.

2005-2006 წლებში ადამიანის უფლებათა ევროპული კონვენციის სამართალში უზენაესე სასამართლოს მრჩევლის თანამდებობა ეკავა.

1992-1996 წლამდე უზენაეს სასამართლოში სხვადასხვა დროს იყო საერთაშორისო ურთიერთობათა კოორდინატორი, სამეცნიერო-საკონსულტაციო საბჭოს მდივანი, სასამართლო პრაქტიკის განზოგადების განყოფილების უფროსი და უფროსი კონსულტანტი.