ევროპული საქართველოს განცხადებით, საკონსტიტუციო სასამართლოს მოსამართლედ ევა გოცირიძის კანდიდატურას მხარს არ დაუჭერს.

"ევა გოცირიძე არის პირდაპირ შეუსაბამო იმ მაღალი თანამდებობისთვის, რომელზეც ეს ქალბატონი უნდა დამტკიცდეს. აქედან გამომდინარე, არანაირი შეკითხვა, რომელზეც პასუხის გაცემა შეცვლიდა აზრს მისი საკონსტიტუციო სასამართლოს მოსამართლედ
არჩევასთან დაკავშირებით, ფაქტობრივად არ არსებობს", - განაცხადა საპარლამენტო უმცირესობის წევრმა ირაკლი აბესაძემ.

რამდენიმე დღის წინ, პარლამენტში იურიდიულ საკითხთა კომიტეტმა საკონსტიტუციო სასამართლოს მოსამართლედ გოცირიძის კანდიდატურას მხარი დაუჭირა. არჩევის შემთხვევაში ის ლალი ფაფიაშვილს ჩაანაცვლებს, რომელსაც უფლებამოსილების ვადა ეწურება.