კარდაშიანების რეალითი შოუ ეთერში უკვე წლებია რაც გადის და ისიც ფაქტია, რომ კიმი ამ შოუს ყველაზე დიდი ვარსკვლავია. შესაბამისად გასაკვირი არ იქნება თუ მალე გავიგებთ, რომ კარდაშიანების შესახებ ფილმის გადაღებას აპირებენ.

კიმმა მოვლენებს წინ გაუსწრო და ისიც კი თქვა, თუ ვინ უნდა ითამაშოს მისი როლი. რეალითი შოუს ვარსკვლავის ყურადღება არც მეტი, არც ნაკლები ოსკარის მფლობელ მსახიობ ჯენიფერ ლოურენსზე შეჩერდა.

"ის საუკეთესო იქნება ამ როლში, ყველაზე მაგარი მსახიობია", - თქვა კიმ კარდაშიანმა.

უნდა ითქვას ისიც, რომ არც ლოურენსია უარყოფითად განწყობილი კიმის მისამართით. ჯიმი კიმელის შოუში მათ საკმაოდ სახალისო დრო გაატარეს.

დაველოდოთ და ვნახოთ გადაიღებენ თუ არა ფილმს კიმზე და თუ გადაიღებენ, შეასრულებს თუ არა მის როლს ჯენიფერ ლოურენსი.