ევროპული საქართველოს ერთ-ერთი წევრის ოთო კახიძის თქმით, ესაპარლამენტო უმცირესობა სახალხო დამცველის კანდიდატის კენჭისყრაში მონაწილეობას არ მიიღებს:

"სამწუხაროდ, მმართველმა გუნდმა სახალხო დამცველის კანდიდატის შერჩევისას პროცესი წარმართა კულუარულად. მათ თავად გამოარჩიეს ფავორიტი კანდიდატი და წარმოგვიდგინეს იგი დასამტკიცებლად. ჩვენ ვთვლით, რომ ეს არ არის სწორი ფორმა".

დღეს, 30 ნოემბერს, პარლამენტის პლენარულ სხდომაზე დეპუტატებმა ომბუდსმენი უნდა აირჩიონ. არჩევანი ორ კანდიდატს შორის იქნება: ნინო ლომჯარია და გიორგი ფოფხაძე. 29 ნოემბერს, ფრაქცია საქართველოს პატრიოტების მიერ წარდგენილ ფოფხაძეს ადამიანის უფლებათა კომისიამ მხარი არ დაუჭირა. საქართველოს მოქმედ სახალხო დამცველს, უჩა ნანუაშვილს უფლებამოსილება 7 დეკემბერს ეწურება

სალომე სამადაშვილის განმარტებით, ნაციონალური მოძრაობა ნინო ლომჯარიას კანდიდატურას მხარს დაუჭერს, რადგან ლომჯარიას ხედვები ადამიანის უფლებების დაცვის მიმართულებით არსებულ გამოწვევებს პასუხობს.