ახალი პოლიტიკური ცენტრი გირჩი მოუწოდებს მხარდამჭერებს, წვლილი შეიტანონ პარტიის დაფინანსებაში, ოღონდ არა – ფულით. პარტიამ განიზრახა, რომ ფინანების გამოსამუშავებლად მიმართოს ვებმაინინგს, ანუ კრიპტოვალუტის გამომუშავებას.

გირჩი ამბობს, რომ ამისთვის საჭიროა, დახმარების მსურველმა პარტიის ვებსაიტი გახსნილად დატოვოს ერთ ფანჯარაში. ამ დროს საიტზე ჩაშენებული სპეციალური კოდი დაიწყებს პარტიისთვის კრიპტოვალუტის გამომშავებას.

"რა ხდება, როცა ჩვენი ვებგევრდი გაქვთ ბრაუზერში გახსნილი? ამ დროს თქვენ გვათხოვებთ თქვენი კომპიუტერის სიმძლავრეს, რისი საშუალებითაც გირჩი ციფრულ ფულს გამოიმუშავებს. ანუ თქვენ თქვენი კომპიუტერით გვაფინანსებთ. გირჩი – პირველი კრიპტოპარტია. თხარეთ ჩვენთან ერთად!", – აცხადებს გირჩი.

უფრო მეტი ციფრული ფულისა და ვებმაინინგის შესახებ, წაიკითხეთ On.ge-ს მიერ მომზადებულ სტატიაში.