საბავშვო ევროვიზია 2017-ის გამარჯვებული რუსეთი გახდა. მონაწილე ქვეყნებისა და ჟიურის მხრიდან რუსმა კონკურსანტმა, პოლია ბოგუსევიჩმა, საერთო ჯამში 188 ქულა მიიღო. 185 ხმით მეორე ადგილზე გავიდა საქართველოს წარმომადგენელი გრიგოლ ყიფშიძე. ქართულმა ჟიურიმ რუსეთის წარმომადგენელს მაქსიმალური 12 ქულა მიანიჭა.

ყველაზე მასშტაბური საბავშვო მუსიკალური ფესტივალის, რიგით მე-15 კონკურსი დღეს, 26 ნოემბერს, თბილისის ოლიმპიურ სასახლეში გაიმართა.

საბავშვო ევროვიზია 2018 ბელარუსის დედაქალაქ მინსკში ჩატარდება.