საპარლამენტო უმცირესობის წევრი, ელენე ხოშტარია ამბობს, რომ სპეცოპერაციის მიმდინარეობისას მიმდინარეობისას შეფასებები მიზანშეუწონლად მიაჩნია.

"დღეს ყველამ ახლა უნდა ვიფიქროთ, რომ მაქსიმალურად მშვიდობიანად დასრულდეს ყველაფერი, აბსოლუტური სოლიდარობა უნდა გამოვუცხადოთ სპეცრაზმელებს, იმ პოლიციელებს, რომლებიც იქ არიან. რა თქმა უნდა, დადგება ეტაპი, როცა ყველა ერთად ვიფიქრებთ იმაზე, თუ რა შეცდომები იყო დაშვებული", - განაცხადა ელენე ხოშტარიამ.

თბილისში, ისანში, ბერი გაბრიელ სალოსის გამზირზე, სპეცოპერაცია თითქმის 20 საათია ტარდება. სახელმწიფო უსაფრთხოების სამსახურის ინფორმაციით, დაკავებულია ერთი პირი სხვების დასაკავებლად კი, სპეცოპერაცია გრძელდება. ამ დროის მდგომარეობით, დაჭრილია სპეცრაზმელი, რომელსაც ოპერაცია ჩაუტარდა. მისი მდგომარეობა მძიმეა.