თბილისის მერიის განცხადებით, ბერი გაბრიელ სალოსის ქუჩაზე მიმდინარე სპეცოპერაციის გამო, სამგორის რაიონში მდებარე სამ საბავშვო ბაღში სააღმზრდელო პროცესი ამჟამად შეჩერებულია.

უსაფრთხოების უზრუნველყოფის მიზნით, კერძოდ, თბილისის მე-16, 109-ე და 86-ე საჯარო ბაგა-ბაღებში დღეს სააღმზრდელო პროცესი შეჩერდა.

აღნიშნული სამი საბავშვო ბაღი სპეცოპერაციის ეპიცენტრის მიმდებარე ტერიტორიაზე მდებარეობს. მერიის ცნობით, ტერიტორიიდან აღსაზრდელები უკვე გაიყვანეს.

სახელმწიფო უსაფრთხოების სამსახურის ინფორმაციით, ისანში, გაბრიელ სალოსის გამზირზე, სპეცოპერაციისას ერთი პირია დაკავებული, სპეცოპერაცია გრძელდება.

სპეცოპერაცია ბერი გაბრიელ სალოსის გამზირზე გუშინ, 21 ნოემბერს ღამით დაიწყო და ამ დრომდე მიმდინარეობს. ისმის სროლისა და აფეთქების ხმა.