ისანში, გაბრიელ სალოსის გამზირზე სპეცოპერაცია 12 საათზე მეტია გრძელდება. როგორც ადგილობრივი მაცხოვრებელი On.ge-ს უყვება, სროლისა და აფეთქებების ხმა ამ დრომდე ისმის.

ადგილობრივის მიერ მოწოდებული ინფორმაციით, გუშინ 21 ნოემბრის ღამით დაწყებული სპეცოპერაციიდან ამ დრომდე კორპუსებში მაცხოვრებელ ადამიანებს ეზოში გასვლის უფლებას არ აძლევენ. გუშინ კი, ადგილობრივი მოსახლეობა გააფრთხილეს ფანჯრებთან არ მისულიყვნენ, რადგან სპეცოპერაცია იწყებოდა.

სახელმწიფო უსაფრთხოების სამსახურში ამ ეტაპზე On.ge-ს სატელეფონო ზარებს არ პასუხობენ. 21 ნოემბერს, სპეცოპერაციის დაწყებისას კი უწყებაში აცხადებდნენ, რომ პირებმა, რომელთა დაკავების ოპერაციაც მიმდინარეობს, სპეციალური დანაყოფის მიმართულებით ცეცხლი გახსნეს.