საქართველოს შინაგან საქმეთა სამინისტროს პოლიციის დეპარტამენტის თანამშრომლებმა ოჯახში ძალადობის ბრალდებით ერთი პირი დააკავეს. დაკავების შესახებ ინფორმაციას უწყების პრესსამსახური ავრცელებს.

"გამოძიებით დადგინდა, რომ არაფხიზელ მდგომარეობაში მყოფმა ბრალდებულმა, არასრულწლოვანი შვილების თანდასწრებით, მეუღლეს სიტყვიერი და ფიზიკური შეურაცხყოფა მიაყენა", - აღნიშნულია შსს-ს განცხადებაში.

მათივე ინფორმაციით, დაკავებულმა დანაშაული აღიარა.

საქმეზე გამოძიება სისხლის სამართლის კოდექსის 1261-ე მუხლის მეორე ნაწილის "ბ" ქვეპუნქტით მიმდინარეობს. ამ მუხლით, ოჯახის ერთი წევრის მიერ ოჯახის სხვა წევრის მიმართ ძალადობა, არასრულწლოვნის თანდასწრებით მისივე ოჯახის წევრის მიმართ, ისჯება საზოგადოებისათვის სასარგებლო შრომით ვადით ორასიდან ოთხას საათამდე ან თავისუფლების აღკვეთით ვადით ერთიდან სამ წლამდე.