საქართველოს სახალხო დამცველი, უჩა ნანუაშვილი იუსტიციის მინისტრის, თეა წულუკიანის მიერ მის მიმართ გამოთქმულ შეფასებას ეხება. წულუკიანს მიაჩნია, რომ ნანუაშვილი საქართველოს პირველი უსამართლო ომბუდსმენია.

"მსგავსი განცხადებები და მისი ეს განცხადებაც, პირველ რიგში, აზიანებს საქართველოს ხელისუფლებას და ამ ხელისუფლების იმიჯს, მათ შორის, საერთაშორისო საზოგადოების თვალში", - აღნიშნა სახალხო დამცველმა.

ომბუდსმენი ვარაუდობს, რომ იუსტიციის მინისტრის განცხადება უკავშირებდა სახალხო დამცველის მიერ არსებულ დარღვევებზე ყურადღების გამახვილებას.

"სახალხო დამცველი არ ხუჭავს თვალს სერიოზულ და სისტემურ დარღვევებზე, მათ შორის იმ მიმართულებით, რომელსაც ქალბატონი [თეა წულუკიანი]", - წარმოადგენს.

წულუკიანმა ნანუაშვილის საქმიანობაზე სახალხო დამცველის მიერ ე.წ. ციანიდის საქმეზე გავრცელებული განცხადების შეფასებისას ისაუბრა. სახალხო დამცველის ე.წ. ციანიდის საქმის მონიტორინგის ანგარიშში ნათქვამია, რომ სასამართლო სხდომები არსებითი ხარვეზების გარეშე წარიმართა, თუმცა გამოძიების პროცესში დაშვებულმა დარღვევებმა სასამართლოს საბოლოო გადაწყვეტილებაზე გადამწყვეტი გავლენა იქონია.