ამერიკის კინოაკადემია ყოველწლიურად საპატიო ოსკარს აძლევს იმ ხელოვანებს, რომელთაც კინოინდუსტრიაში განსაკუთრებული წვლილი შეიტანეს.

საპატიო ჯილდოებს სპეციალურად შერჩეული დამოუკიდებელი საბჭო გასცემს და მასში აკადემიის 8 ათასზე მეტი წევრიდან არც ერთი არ შედის.

ცერემონიალზე წარმოდგენილია სამი საპატიო ოსკარი - აკადემიის საპატიო ჯილდო, ჯიმ ჰერშლოტის ჰუმანიტარული ჯილდო და ირვინგ თალბერგის მემორიალური ჯილდო.

ოსკარის საიუბილეო, რიგით 90-ე ცერემონიალის ჩატარებამდე ოთხი თვით ადრე, 11 ნოემბერს სპეციალური მიღება გაიმართა, სადაც კინოში შეტანილი წვლილისთვის კინემატოგრაფის ერთ-ერთ გამორჩეულ რეჟისორი, ანიეს ვარდა დააჯილდოეს.

რეჟისორს საპატიო ოსკარი ანჯელინა ჯოლიმ გადასცა.

მასთან ერთად საპატიო ოსკარი გადასცეს სცენარისტსა და რეჟისორს ჩარლზ ბარნეტს, ოპერატორ ოუენ როისმანის და მსახიობ დონალდ საზერლენდს.

კინოაკადემიამ სპეციალური ჯილდო გადასცა ალეხანდრო გონსალეს ინიარიტუს მისი არტ ინსტალაციისათვის Carne y Arena, რომელიც ასახავს თუ როგორ გადადიან ამერიკის საზღვარზე მექსიკელები.

რაც შეეხება დაჯილდოებას, ის მომდევნო წლის 4 მარტს ლოს-ანჯელესში, დოლბის თეატრში ჩატარდება, სადაც საპატიო ოსკარის გადაცემის დროს გადაღებულ კადრებს გაუშვებენ და კიდევ ერთხელ მაიგებენ პატივს ამ ჯილდოს მფლობელებს.