თბილისის საქალაქო სასამართლო გადაწყვეტილებით, 13 წლის მოზარდთან სქესობრივი კავშირისთვის და სხვაგვარი სექსუალური კონტაქტისთვის კაცს 8 წლით თავისუფლების აღკვეთა განესაზღვრა.

სასამართლოს თქმით, დახურულ სასამართლო სხდომაზე, ბრალდებულმა თავი არ ცნო დამნაშავედ და განმარტა, რომ მისთვის დაზარალებულის ასაკი ცნობილი არ იყო.

მათივე განმარტებით, სასამართლო სხდომებზე მტკიცებულებების, გამოკითხვის ოქმებისა და ფეისბუკის მიმოწერის საფუძველზე დადასტურდა, რომ ბრალდებულ მანიპულირებითა და თვითმკვლელობის მუქარით, ფსიქოლოგიურ ზეგავლენას ახდენდა არასრულწლოვანზე.

სასამართლო განცხადებით, დანაშაული მას შემდეგ გაიხსნა, რაც დაზარალებულმა ალკოჰოლისა და ფსიქოტროპული აბების ზემოქმედების ქვეშ მყოფ პირთან სექსუალურ ურთიერთობაზე დედას უამბო.