ფრანგმა პოლიტიკოსმა, რაფაელ გლუქსმანმა, რომელიც 2008-2012 წლებში საქართველოს მესამე პრეზიდენტის, მიხეილ სააკაშვილის მრჩეველი იყო, საფრანგეთის საპრეზიდენტო არჩევნებზე თავისი კანდიდატურა დააყენა. როგორც France 24 იტყობინება, მან კვირას, 23 აგვისტოს, სოციალისტურ პარტიასთან ერთად შიდაპარტიულ არჩევნებში (პრაიმერიზში) მონაწილეობის გზით, ოფიციალურად დაადასტურა თავისი საპრეზიდენტო კანდიდატურა.

"დიახ, მე კანდიდატი ვარ," — განაცხადა პარტია Place Publique-ის (პლას პუბლიკ) ლიდერმა საინფორმაციო გამოშვებაში. მან განმარტა, რომ ეს გადაწყვეტილება "დიდი პასუხისმგებლობით" მიიღო და არ შეეძლო "ასეთ არჩევანს გაჰქცეოდა". "მჯერა, რომ მაქვს ხედვა, რომელიც საფრანგეთს ფეხზე დაყენების საშუალებას მისცემს," — აღნიშნა მან.

მის გადაწყვეტილებას დაუყოვნებლივი შედეგი მოჰყვა: მისი პარტნიორი, ლეა სალამე, ტელეარხი France 2-ის, საღამოს საინფორმაციო გამოშვების წაყვანას ჩამოშორდა. France Télévisions-ის წარმომადგენლის ცნობით, ჟურნალისტი ამის შესახებ განცხადებას უახლოეს საათებში გააკეთებს.

"ჩვენ გავიმარჯვებთ საპრეზიდენტო არჩევნებში, ამაში დარწმუნებული ვარ," — განაცხადა რაფაელ გლუქსმანმა.

France 24 წერს, რომ მან გლუქსმანმა ევროპარლამენტის არჩევნებში, სადაც სოციალისტური პარტიისა და Place publique-ის ერთობლივ სიას უხელმძღვანელა, ხმების 13.8% მიიღო. ამით მან მემარცხენე ფლანგზე ლიდერის პოზიცია დაიკავა.

შეგახსენებთ, რაფაელ გლუქსმანი 2008-2012 წლებში საქართველოს მესამე პრეზიდენტის, მიხეილ სააკაშვილის ოფიციალურ მრჩევლად მუშაობდა და მას პროევროპული ინტეგრაციის პოლიტიკის კოორდინაციაში ეხმარებოდა.