რუსთავში, ლეონიძის ქუჩაზე მდებარე ერთ-ერთი საცხოვრებელი კორპუსის სადარბაზოში არასრულწლოვანი ბიჭი 25 წლამდე ქალს ჩუმად შეჰყვა და მასთან ფიზიკური კონტაქტი სცადა. ინფორმაციას "ინფო რუსთავი" ავრცელებს.

არსებული ინფორმაციით, ქალის მხრიდან მკვეთრი რეაგირების შემდეგ მოზარდმა შემთხვევის ადგილი სწრაფად დატოვა.

მომხდარის შესახებ ეცნობა პოლიციას. სამართალდამცავებმა გატარებული ღონისძიებების შედეგად 15 წლამდე ბიჭის იდენტიფიცირება მალევე მოახერხეს და ის დააკავეს.

"ინფო რუსთავის" ცნობით, ფაქტზე დაწყებულია გამოძიება.