პირს, რომელიც უმწეო არასრულწლოვან გერს სისტემატურად აუპატიურებდა, აყენებდა პატივისა და ღირსების შემლახავ მდგომარეობაში, მის მიმართ ჩადიოდა გარყვნილ ქმედებას, სისტემატურად აწევინებდა ნარკოტიკულ საშუალება "მარიხუანას" და მობლურ ტელეფონში ინახავდა პირნოგრაფიულ ფოტო და ვიდეომასალას, რომელიც არასრულწლოვანის გამოსახულებას შეიცავდა, უვადო თავისუფლების აღკვეთა მიესაჯა.

მანამდე თბილისის საქალაქო სასამართლომ ბრალდებული ყველა წარდგენილ მუხლში დამნაშავედ ცნო, თუმცა სასჯელის სახით 20 წლით თავისუფლების აღკვეთა განუსაზღვრა. ბრალდების მხარემ აღნიშნული გადაწყვეტილება საქმეში არსებული გარემოებებისა და დანაშაულის განსაკუთრებული სიმძიმის გამო არასაკმარისად მიიჩნია და ზემდგომ ინსტანციაში სასჯელის მაქსიმალურად დამძიმება მოითხოვა.

საქმის მასალების მიხედვით, მსჯავრდადებული ასაკის გამო უმწეო მდგომარეობაში მყოფ არასრულწლოვან გერს სისტემატურად აუპატიურებდა, უღებდა პორნოგრაფიულ მასალებს, აყენებდა არაადამიანურ, ღირსების შემლახავ მდგომარეობაში და აიძულებდა ნარკოტიკული საშუალების (მარიხუანას) მოხმარებას. გარდა ამისა, გამოძიებით დადასტურდა მისი მხრიდან კიდევ ორი სხვა არასრულწლოვნის მიმართ განხორციელებული სექსუალური ხასიათისა და გარყვნილი ქმედებები.

"თბილისის სააპელაციო სასამართლომ დააკმაყოფილა პროკურატურის საჩივარი და უმწეობის გამოყენებით არასრულწლოვანი ოჯახის წევრის გაუპატიურების და სექსუალური ხასიათის ქმედების, არასრულწლოვნების მიმართ სექსუალური ხასიათის და გარყვნილი ქმედების, პირადი ცხოვრების საიდუმლოს უკანონოდ მოპოვების და შენახვის, არასრულწლოვანი ოჯახის წევრის გამოსახულების შემცველი პორნოგრაფიული ნაწარმოების შენახვის, ნარკოტიკული საშუალების მოხმარებაზე დაყოლიების და არასრულწლოვანის მიმართ არაადამიანური მოპყრობის ფაქტებზე მსჯავრდებულს უვადო თავისუფლების აღკვეთა მიუსაჯა.

გამოკვლეული მტკიცებულებებით დადასტურდა, რომ ბრალდებული ასაკის გამო უმწეო მდგომარეობაში მყოფ არასრულწლოვან გერს სისტემატურად აუპატიურებდა, აყენებდა მას პატივისა და ღირსების შემლახავ მდგომარეობაში. ასევე მის მიმართ ჩაიდინა გარყვნილი ქმედება. ბრალდებულმა დაზარალებული დაიყოლია ნარკოტიკული საშუალების მოხმარებაზე და სისტემატურად აწევინებდა ნარკოტიკულ საშუალება "მარიხუანას". მოიპოვა მისი გამოსახულების შემცველი პორნოგრაფიული ფოტო და ვიდეომასალა, რომელსაც მობილურ ტელეფონში ინახავდა.

გამოკვლეული მტკიცებულებებით ასევე დადასტურდა, რომ ბრალდებულმა სხვა არასრულწლოვანი დაზარალებულის მიმართ გარყვნილი ქმედება განახორციელა, ხოლო მესამე არასრულწლოვნის მიმართ ჩაიდინა სექსუალური ხასიათის სხვაგვარი ქმედება.

სამართალდამცველებმა ბრალდებული 2025 წლის 18 ოქტომბერს დააკავეს. მას ბრალდება საქართველოს სისხლის სამართლის კოდექსის 11 პრიმა-137-ე მუხლის მე-3 ნაწილის "ე" და მე-4 ნაწილის "გ" ქვეპუნქტებით, 11 პრიმა-141-ე მუხლის მე-2 ნაწილის "ვ" ქვეპუნქტით, 141-ე მუხლის მე-2 ნაწილის "ვ" ქვეპუნქტით, 141-ე მუხლის პირველი ნაწილით, 11 პრიმა-138-ე მუხლის მე-2 ნაწილის "ვ" და მე-4 ნაწილის "ა" ქვეპუნქტით, 138-ე მუხლის მე-4 ნაწილის "ა" ქვეპუნქტით, 157 პრიმა მუხლის პირველი ნაწილით, 255-ე მუხლის მე-6 ნაწილის "ბ" ქვეპუნქტით, 272-ე მუხლის მე-3 ნაწილით და 11 პრიმა-144 ტერცია მუხლის მე-2 ნაწილის "ზ" ქვეპუნქტით წარედგინა.

თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებებში და სასჯელის სახედ და ზომად 20 წლით თავისუფლების აღკვეთა განუსაზღვრა, რაც ბრალდების მხარემ სასჯელის დამძიმების მოთხოვნით გაასაჩივრა. სააპელაციო სასამართლომ დააკმაყოფილა პროკურატურის საჩივარი და ბრალდებულს უვადო თავისუფლების აღკვეთა განუსაზღვრა", — აღნიშნულია პროკურატურის განცხადებაში.