18 მაისს, დილით, უკრაინის პრეზიდენტის ოფისის ყოფილი ხელმძღვანელი ანდრეი ერმაკი წინასწარი დაკავების იზოლატორიდან გაათავისუფლეს ინფორმაციას უკრაინული მედია ავრცელებს.

ერმაკმა განაცხადა, რომ იგი კერძო საკანში იმყოფებოდა და არ იცის, ვინ გადაიხადა მისი გირაო.

ცნობისთვის, 14 მაისს უმაღლესმა ანტიკორუფციულმა სასამართლომ პრეზიდენტის ოფისის ყოფილ ხელმძღვანელს, ანდრიი ერმაკს, პატიმრობა შეუფარდა 140 მილიონი გრივნის ოდენობის გირაოს უფლებით. მას ბრალად კიევის ოლქის სოფელ კოზინში, მდიდრული კოტეჯების კომპლექსის, "დინასტიას" მშენებლობისას ფულის გათეთრება ედება. გამომძიებლების თქმით, მშენებლობისთვის განკუთვნილი თანხები, შესაძლოა, მათ შორის "ენერგოატომში" (Energoatom) არსებული კორუფციული სქემებიდან შემოსულიყო.

სხდომის დასრულების შემდეგ ერმაკმა განაცხადა, რომ ის გირაოს ვერ გადაიხდიდა.

15 მაისს ერმაკის გირაოსთვის 50 მილიონ გრივნაზე მეტი შეგროვდა. კერძოდ, ფეხბურთელმა და უკრაინის ნაკრების ყოფილმა მწვრთნელმა, სერჰი რებროვმა, 30 მილიონი გრივნა გადარიცხა.