აქტივისტი იდა ბახტურიძე სრულიად საქართველოს კათოლიკოს პატრიარქის, შიო III-ის ქადაგებას ეხმაურება, სადაც მან დემოგრაფიულ პრობლემების გადაჭრის გზებზე ისაუბრა. პატრიარქის თქმით, "თუ ოჯახში ტრიალებს მძიმე ცოდვა, ისეთი როგორიც მაგალითად არის აბორტი, მაშინ ასეთი ოჯახი განწირულია". იდა ბახტურიძის თქმით, "აბორტების შემცირება აკრძალვით არა, ქალების და ოჯახების გაძლიერებით ხდება".

"შიო III გამოსვლას გადავავლე თვალი და რამდენი ცოდვაც მის სიტყვებში ტრიალებს, მის ხელში ნამდვილად არ აქვს არანაირი შანსი ქართული ეკლესია ჰუმანურობის და სიკეთის გზას დაადგეს.

ქართული ეკლესიის ამბიონიდან არც აქამდე ქადაგებდნენ ქრისტიანულ ღირებულებებს, კაცთმოყვარეობას და სიწმინდეს, არც ახლა ველოდი ამას და ძალიანაც ლოგიკურია, რაც დღეს მოვისმინეთ.

აბორტების მაღალი მაჩვენებელი, წესით სხვა რამეზე უნდა გაფიქრებდეთ ერშიც და ბერშიც, მაგრამ სულ ამორალურ პოპულიზმის გზას ირჩევთ ამ თემაზე.

მაინც გავაფრთხილებ ახალ პატრიარქს, პოპულიზმისთვის მძიმე თემას შეეჭიდა. მასზე ბევრად ავტორიტეტულ პატრიარქს არ უჯერებდნენ ქალები ამ ქვეყანაში და აბორტს იკეთებდნენ მაშინაც, როცა ამის საჭიროება ედგათ. ილია მეორესაც უხსენებია აბორტი, მაგრამ აბორტების რიცხვი არ შემცირებულა ამ ქვეყანაში იმიტომ, რომ მაგას სხვანაირად ამცირებენ იმ ქვეყნებში, სადაც ოჯახი მართლა წმინდა ჰგონიათ.

აბორტების შემცირება აკრძალვით არა, ქალების და ოჯახების გაძლიერებით ხდება.
ბევრი სხვა ბოროტებაც ითქვა დღეს შიო მესამის პირით, მაგრამ ყველაზე დიდი უღმერთობა დიუშენის სინდრომის მქონე ბავშვების იგნორია, — წერს იდა ბახტურიძე.