საქართველოს მე-5 პრეზიდენტი სალომე ზურაბიშვილი საქართველოს კათოლიკოს-პატრიარქის შიო III-ის ქადაგებას გამოეხმაურა, სადაც სადაც მან თქვა, რომ "თუ ოჯახში მძიმე ცოდვა ტრიალებს, ისეთი, როგორიც მაგალითად არის აბორტი მაგალითად, მაშინ ასეთ საფუძველზე ვერანაირ ბედნიერებას ვერ ააშენებს ოჯახი. ასეთი ოჯახი განწირულია".

"ასეთი ოჯახი განწირულია? ასეთი უმოწყალო სიტყვები, ასეთი მკაცრი განაჩენი… იმედს რომ არ ტოვებს არც ღვთის უზომო სიყვარულისა, არც ადამიანის რწმენით გადარჩენის?", — თქვა ზურაბიშვილმა.

17 მაისს სამების საკათედრო ტაძარში გაართუო საზეიმო წირვაზე სრულიად საქართველოს კათოლიკოს-პატრიარქმა შიო III-მ დემოგრაფიულ პრობლემებზე ისაუბრა. მისი თქმით, "როგორც მრავალშვილიანი ოჯახებისგან ვიცით, თავიდან უფრო რთულია, პირველ სამ შვილამდე, მერე და მერე სირთულეები ბევრად კლებულობს და ბევრად უფრო ადვილია მრავალშვილიანი ოჯახების აღზრდა და გაძღოლა".

"თუ ოჯახში მძიმე ცოდვა ტრიალებს, ისეთი, როგორიც მაგალითად არის აბორტი მაგალითად, მაშინ ასეთ საფუძველზე ვერანაირ ბედნიერებას ვერ ააშენებს ოჯახი. ასეთი ოჯახი განწირულია იმიტომ, რომ როგორც ჩვენ ბიბლიიდან ვიცით, "მოკლულთა სისხლი ღაღადებს ღვთისადმი შურისძიებისთვის" და პირიქით, სადაც ორ თუ სამ წელიწადში ერთხელ ბავშვი იბადება — ეს ღვთისგან მოვლენილი ბედნიერება, იქ არის ბედნიერება იმიტომ, რომ ის თავისი არსებობით ირგვლივ ყველაფერს ათბობს და ანათებს, მადლს ფენს. როგორც ჩვენ მრავალშვილიანი ოჯახებისგან ვიცით, თავიდან უფრო რთულია, პირველ სამ შვილამდე, მერე და მერე სირთულეები ბევრად კლებულობს და ბევრად უფრო ადვილია მრავალშვილიანი ოჯახების აღზრდა და გაძღოლა...", — თქვა პატრიარქმა შიო III-მ.