გეკა გელაძემ სპეციალური ოპერაციების დეპარტამენტის ხელმძღვანელად განსაკუთრებულ დავალებათა დეპარტამენტის ყოფილი დირექტორი რომან ქარცივაძე წარადგინა. აქამდე ამ პოსტს ზურაბ ცისკარიშვილი იკავებდა, რომელიც სუს-ის ყოფილმა უფროსმა, მამუკა მდინარაძემ ამ თანამდებობაზე 2025 წლის 25 სექტემბერს წარადგინა.

სუს-ის ცნობით, გეკა გელაძემ რომან ქარცივაძეს თანამდებობაზე დანიშვნა მიულოცა და მომავალ საქმიანობაში წარმატება უსურვა.სახელმწიფო უსაფრთხოების სამსახურის უფროსი მებრძოლებს სრულ მხარდაჭერას დაჰპირდა და გაწეული საქმიანობისთვის მადლობა გადაუხადა.

მასთან, გეკა გელაძემ, მოადგილეებთან და სპეციალური ოპერაციების დეპარტამენტის ახალ დირექტორთან ერთად, ბაზაზე არსებული ინფრასტრუქტურა, შეიარაღება და საბრძოლო ტექნიკა დაათვალიერა,— ნათქვამია უწყების მიერ გავრცელებულ ინფორმაციაში.