გასულ კვირას, ანაპას მახლობლად, შავ ზღვაში ნავთობის ჩაღვრის შედეგად 800-ზე მეტი ფრინველი დაშავდა და დაიღუპა, ამის შესახებ ინფორმაცია ორგანიზაცია "მწვანე პატრულის" ხელმძღვანელმა რომან პუკალოვმა გაავრცელა.

მისი თქმით, დაზარალებული ფრინველები ძირითადად შავყელა მურტალა და შავყელა ღორიხვა იყვნენ, რომლებიც გადაშენების პირას მყოფ სახეობებადაა მიჩნეული.

პუკალოვმა დასძინა, რომ ხელისუფლება ადგილზე რეგულარულად არ აშორებს დაბინძურებულ წყალს მიუხედავად იმისა, რომ ნავთობ ნარჩენები საშიშია ეკოლოგისაა და ცოცხალი ორგანიზმებისთვის.

11 აპრილს, ყუბანის რეგიონულმა სამუშაო ჯგუფმა შავ ზღვაში ნავთობის ჩაღვრის შესახებ განაცხადა. მათი ცნობით, ზღვის დაბინძურება 117 კვადრატულ კილომეტრს მოიცავდა. სამი დღის შემდეგ, ხელისუფლებამ კიდევ ერთი საწვავის დაღვრის შესახებ განაცხადა, რომელიც დაახლოებით 170 მეტრზე იყო გაშლილი.

შავი ზღვის დაბინძურებაზე ავრცელებს ინფორმაციას BBC-ის რუსული სამსახურიც. მათი ცნობით, ანაპას მახლობლად პატარა ქალაქის ზომის უზარმაზარი ნავთობის ლაქა და ასობით მკვდარი ფრინველი იქნა დაფიქსირებული.