4-წლიანი პაუზის შემდეგ, Euphoria ტელეეკრანებზე დაბრუნდა, თუმცა მაყურებლებისგან უარყოფითი შეფასებები უკვე დაიმსახურა. მიუხედავად იმისა, რომ ჯერ მხოლოდ პირველი ეპიზოდი ვიხილეთ, ახალი სეზონი სოციალურ ქსელებში განხილვის თემად მალევე იქცა. ამ მომენტისთვის IMDb-ზე ახალი სერიის რეიტინგია 6.8, თუმცა სერიალის გულშემატკივრები წერენ, რომ მე-3 სეზონის პირველ ეპიზოდს კიდევ უფრო დაბალი შეფასება ეკუთვნის.

ამ კრიტიკის ფონზე, HBO-მ კიდევ ერთი ტრეილერი გაავრცელა და ახალი სეზონის შესახებ გარკვეული მოლოდინები შეგვიქმნა:

მალე ქესისა და მედის შეხვედრას ვიხილავთ და ტრეილერიდან გამომდინარე, ისინი ურთიერთობას აგრძელებენ. მართალია, რუ ჯერჯერობით ისევ პრობლემებშია გახვეული, თუმცა სიახლეები აქაც გველოდება. ასევე, შემდეგ სერიებში უფრო მეტს გავიგებთ ჯულსის შესახებ. რაც მთავარია, წინ გველოდება ნეითისა და ქესის ქორწილი, რომელიც, დიდი ალბათობით, სკანდალების გარეშე არ დასრულდება!

შეგახსენებთ, რომ Euphoria-ს ახალ სეზონში მოვლენები მე-2 სეზონის დასასრულიდან 5 წლის შემდეგ ვითარდება. პერსონაჟებისთვის სკოლის პერიოდი უკვე დასრულებულია, ამიტომ სრულიად ახალ რეალობაში გადავინაცვლეთ. შემდეგ სერიას მაყურებელი 19 აპრილს იხილავს.