იუსტიციის ყოფილი მინისტრი და ყოფილი გენერალური პროკურორი ზურაბ ადეიშვილი უკრაინის ეროვნული პოლიციის საერთაშორისო საპოლიციო თანამშრომლობის დეპარტამენტის დირექტორად დაინიშნა. დეპარტამენტი უკრაინაში ინტერპოლის ეროვნული ცენტრალური ბიუროს ფუნქციას ასრულებს. მანამდე ადეიშვილი უკრაინის გენერალური პროკურატურის საერთაშორისო ურთიერთობების დეპარტამენტს ხელმძღვანელობდა.

ცნობისთვის, ზურაბ ადეიშვილი თავადაც იძებნებოდა ინტერპოლით — 2013 წელს პროკურატურამ დეიშვილზე წითელი ცირკულარით საერთაშორისო ძებნის გამოცხადების შუამდგომლობით ინტერპოლს მიმართა. ადეიშვილზე ინტერპოლით ძებნა 2015 წლის 9 აპრილს შეწყდა.