არნოლდ შვარცენეგერის შვილი, ჯოზეფ ბაენა, ბოდიბილდინგის ჩემპიონია!

სულ ახლახან, ჯოზეფმა ინსტაგრამზე გამოაქვეყნა პოსტი, რომლითაც თავისი წარმატება გვამცნო. ბოდიბილდერის თქმით, მან NPC Natural-ის კოლორადოს ჩემპიონატზე სამ კატეგორიაში გაიმარჯვა.

78 წლის ტერმინატორის ვარსკვლავმა, არნოლდ შვარცენეგერმა, ვარჯიში 1960-იან წლებში დაიწყო და მას შემდეგ ერთ-ერთ საუკეთესო ბოდიბილდერად იყო მიჩნეული. შვარცენეგერი შვიდჯერ გახდა მისტერ ოლიმპია, ხოლო ხუთჯერ მისტერ სამყარო. ბოდიბილდინგის კარიერა კი 1980 წელს დაასრულა.

მიუხედავად იმისა, რომ ბაენა მამის კარიერას მიჰყვება, გასულ წელს ჯოზეფმა თავის ბავშვობაზე ისაუბრა და აღნიშნა, რომ მისი სხეული ყოველთვის ასე არ გამოიყურებოდა.

"ხალხს ავიწყდება, რომ სკოლაში პუტკუნა ვიყავი", — ამბობს არნოლდ შვარცენეგერის შვილი — "კალათბურთისა და ფეხბურთის გუნდებიდან გამომიშვეს, რადგან სხვა ბავშვებს ჩამოვრჩებოდი".

ფოტო: Getty Images

გარდა ამისა, გასულ წელს People-თან ინტერვიუში ჯოზეფმა ბულინგზეც ისაუბრა. ჯოზეფის თქმით, მისი კლასელები წონის გამო ხშირად დასცინოდნენ.

"ბავშვობიდან მაბულინგებდნენ, როგორც დაწყებით კლასებში, ისე საშუალო სკოლაში", — ჰყვება ის — "თავს ყოველთვის გარიყულად ვგრძნობდი".

ფოტო: The Grosby Group

რაც შეეხება არნოლდ შვარცენეგერს, გავრცელებული ინფორმაციით, ის შესაძლოა Predator-ის ახალ ნაწილში გამოჩნდეს. გარდა ამისა, სულ ახლახან, მსახიობმა უოლსტერის უნივერსიტეტისაგან საპატიო დოქტორის წოდება მიიღო.