მარკო რუბიო ირაკლი კობახიძეს ტელეფონით ესაუბრა. ამის შესახებ ინფორმაცია 30 მარტს "რადიო თავისუფლებას" აშშ-ს სახელმწიფო დეპარტამენტმა მიაწოდა. კერძოდ, სახელმწიფო დეპარტამენტის პრესსპიკერის მოადგილემ ტომი პიგოტმა განაცხადა:

"დღეს სახელმწიფო მდივანი მარკო რუბიო ესაუბრა საქართველოს პრემიერმინისტრ ირაკლი კობახიძეს. მათ იმსჯელეს ორმხრივი ინტერესის სფეროებზე, კავკასიასა და შავი ზღვის რეგიონში უსაფრთხოების ჩათვლით", — წერს რადიო თავისუფლება გავრცელებულ ინფორმაციაში.

მოგვიანებით აშშ-ის სახელმწიფო დეპარტამენტის ვებგვერდზეც განთავსდა ინფორმაცია იმის შესახებ, რომ სახდეპის პრესსპიკერის მოადგილის, ტომი პიგოტსის ინფორმაციით,

"სახელმწიფო მდივანი მარკო რუბიო დღეს ესაუბრა საქართველოს პრემიერმინისტრ ირაკლი კობახიძეს. მათ განიხილეს ორმხრივი ინტერესის სფეროები, მათ შორის კავკასიისა და შავი ზღვის რეგიონში უსაფრთხოება".

31 მარტს, საქართველოში აშშ-ის საელჩომ სოციალურ ქსელში გაავრცელა სახდეპის მთავარი პრესსპიკერის მოადგილე ტომი პიგოტსის განცხადება:

"დღეს სახელმწიფო მდივანი მარკო რუბიო ესაუბრა საქართველოს პრემიერმინისტრ ირაკლი კობახიძეს. მათ განიხილეს საერთო ინტერესის საკითხები, მათ შორის უსაფრთხოება კავკასიისა და შავი ზღვის რეგიონში", — წერია საელჩოს მიერ გავრცელებულ ინფორმაციაში.