Gulf News-ის ცნობით, არაბთა გაერთიანებული საემიროების პრეზიდენტმა, მისმა უდიდებულესობამ, შეიხ მოჰამედ ბინ ზაიდ ალ ნაჰიანმა, სამძიმრის წერილი გაუგზავნა საქართველოს პრეზიდენტს, მიხეილ ყაველაშვილს, სრულიად საქართველოს კათოლიკოს-პატრიარქის ილია II-ის გარდაცვალების გამო.

მათივე ცნობით, ვიცეპრეზიდენტმა, პრემიერმინისტრმა და დუბაის მმართველმა შეიხ მოჰამედ ბინ რაშიდ ალ მაკტუმმა და ვიცეპრეზიდენტმა, ვიცეპრემიერმა და საპრეზიდენტო სასამართლოს თავმჯდომარემ, შეიხ მანსურ ბინ ზაიდ ალ ნაჰიანმა საქართველოს პრემიერმინისტრ ირაკლი კობახიძეს მსგავსი წერილები გაუგზავნეს, — წერს ადგილობირვი მედია.

მიმდინარე წლის 17 მარტს, 93 წლის ასაკში სრულიად საქართველოს კათოლიკოს-პატრიარქი ილია II გარდაიცვალა. 17 მარტის დილას, ილია II-ის ჯანმრთელობის მდგომარეობა გაუარესდა. როგორც კავკასიის მედიცინის ცენტრის დირექტორმა, სოფიო ასპანიძემ განაცხადა, პატრიარქი კლინიკაში კუჭიდან მასიური სისხლდენით შეიყვანეს და ჯანმრთელობის კრიტიკული მდგომარეობის გამო მართვით სუნთქვაზე იმყოფებოდა.

სრულიად საქართველოს კათოლიკოს-პატრიარქის, ილია II-ის გარდაცვალების გამო საქართველოში გლოვა გამოცხადდა.