ყურადღება, ჩვენი მეგობრული მეზობელი, ადამიანი ობობა, ეკრანებზე ბრუნდება!

სოციალურ ქსელებში ადამიანი ობობის ახალი კოსტიუმის გავრცელებიდან ერთი დღის შემდეგ, ტომ ჰოლანდმა გულშემატკივრებს სამოსი თავად წარუდგინა და გადასაღები მოედნიდან თიზერიც შემოგვთავაზა.

"მზად ვართ?", — კითხულობს ჰოლანდი მოკლე ვიდეოში, რომელიც Sony-მ სულ ახლახან გამოაქვეყნა.

აღსანიშნავია, რომ ფილმის — ადამიანი-ობობა: სრულიად ახალი დღე — გადაღებები გასულ კვირას დაიწყო, მას შემდეგ, რაც გულშემატკივრებმა შენიშნეს, რომ შოტლანდიის ქალაქი გლაზგო, პატარა ნიუ-იორკად გადაიქცა.

ფოტო: Andrew Milligan/PA Wire

ფანებმა ქალაქში რამდენიმე ამერიკული სატრანსპორტო საშუალება შენიშნეს, მათ შორის ნიუ-იორკის პოლიციის დეპარტამენტის მანქანები, ავტობუსები და ფურგონები.

წყაროს თქმით, გლაზგოში გადაღებები 15 აგვისტომდე გაგრძელდება, ხოლო ქალაქში გადაადგილება დროებით შეზღუდულია.

ფოტო: Sony

აღსანიშნავია ისიც, რომ ახალი კოსტიუმი რადიკალურად განსხვავდება ჰოლანდის ადამიანი ობობას სხვა კოსტიუმებისგან. შესაძლოა ითქვას, რომ ის ძალიან ჰგავს ტობი მაგუაირისა და ენდრიუ გარფილდის სამოსებს.

როგორც ცნობილია, ადამიანი ობობას ახალ ფილმში ზენდეია (MJ) და ჯეიკობ ბატალონისთან (Ned) ერთად, The Bear-ის მსახიობ ლიზა კოლონ-ზაიასსა და Stranger Things-ის ვარსკვლავ სედი სინკსაც ვიხილავთ. ამასთანავე, კომპანია Sony-მ დაადასტურა, რომ ფილმში მარკ რუფალოსა (ჰალკი) და მაიკლ მანდოსაც (მორიელი) შევხვდებით.

სედი სინკი

სედი სინკი

ფოტო: Jeff Kravitz/FilmMagic

ლიზა კოლონ-ზაიასი

ლიზა კოლონ-ზაიასი

ფოტო: Christina House / Los Angeles Times

მოგეხსენებათ, Spider-Man: No Way Home-ის დასასრულს პიტერ პარკერი რთული გადაწყვეტილების წინაშე დადგა. მას მოუწია წაეშალა თავისი იდენტობა სამყაროდან, რის გამოც მის შეყვარებულ, MJ-სა და საუკეთესო მეგობარ, ნედს, პიტერ პარკერის არსებობა დაავიწყდათ. 2021 წელს გამოსულმა ფილმმა Marvel Studios-ს და Sony Pictures-ს დიდი წარმატება მოუტანა.

აქვე შეგახსენებთ, რომ ადამიანი ობობას მეოთხე ნაწილს კინორეჟისორი დესტინ დანიელ კრეტონია, ხოლო ფილმი კინოთეატრებში 2026 წლის 31 ივლისს გამოვა.

ასევე ნახეთ: