ჯეინ ოსტინის გულშემატკივრებისთვის განსაკუთრებული სიახლე გვაქვს, რადგან ნეტფლიქსი სიამაყე და ცრურწმენის ახალ ადაპტაციაზე მუშაობს.

სერიალის გადაღებები სულ ახლახან დაიწყო, ხოლო ნეტფლიქსმა გადასაღები მოედნიდან ფოტო გაგვიზიარა და მასში მონაწილე მსახიობების ვინაობაც გაგვანდო.

"ვიცით, რომ ძალიან დიდი ხანია ელოდებით სიახლეს სერიალის შესახებ და აი, ისიც, სიამაყე და ცრურწმენის გადაღებები ოფიციალურად დაიწყო", — ვკითხულობთ ნეტფლიქსის პოსტში.

როგორც ცნობილია, სერიალი დაფუძნებული იქნება ჯეინ ოსტინის 1813 წლის საკულტო რომანზე — სიამაყე და ცრურწმენა. წიგნის მიხედვით უკვე არსებობს ფილმი ადაპტაცია კირა ნაიტლისა და მეთიუ მაკფადიენის მონაწილეობით, რომელიც ელიზაბეთ ბენეტისა და მისტერ დარსის რომანს მოგვითხრობს.

ექვსნაწილიანი სერიალი ოსტინის რომანის "წმინდა" ადაპტაციას გვპირდება, რომლის ავტორებიც ფილმ Heartstopper-ის რეჟისორი ევროს ლინი და სცენარისტი დოლი ალდერტონი არიან.

ფოტო: Netflix

რაც შეეხება მსახიობებს, სერიალში ელიზაბეთ ბენეტის როლს ემა კორინი მოირგებს, მისტერ დარსის როლს ჯეკ ლოდენი, ხოლო ოლივია კოლმანს, ელიზაბეთის დედის, მისის ბენეტის როლში ვიხილავთ.

"ელიზაბეთ ბენეტის როლის შესრულება საოცარი შესაძლებლობაა", — უთხრა კორინმა ნეტფლიქსის Tudum-ს — "ამ საკულტო პერსონაჟის გაცოცხლება ოლივიასა და ჯეკთან ერთად, ნამდვილად დიდი პატივია. მოუთმენლად ველოდები, როდის შეიყვარებს ახალი თაობა ამ ისტორიას თავიდან".

ფოტო: IMDB

სიამაყე და ცრურწმენაში ასევე ვიხილავთ ისეთ მსახიობებს, როგორებიც არიან — რუფუს სიუელი, ფრეია მავორი, ლუის პატრიჯი, ჯეიმი დემეტრიუ, დერილ მაკკორმაკი, ჯასტინ ედვარდსი, სიენა კელი, ფიონა შოუ, ჰოპი პერიში და ჰოლი ევერი (მერი და კიტი ბენეტების როლებში).

სერიალის გადაღებები ამჟამად დიდ ბრიტანეთში მიმდინარეობს, ხოლო ექვსნაწილიანი სერიალის გამოსვლის თარიღი ჯერჯერობით უცნობია.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…

ჯეინ ოსტინის რომანების შესახებ: