კამპანია #MeToo, რომელიც წინასწარ არ დაგეგმილა, ძალიან წარმატებული აღმოჩნდა. ყველაფერი 2 დღის წინ, კვირას, 15 ოქტომბერს დაიწყო, როდესაც მსახიობმა ალისა მილანომ ტვიტერის საშუალებით მსოფლიოს მიმართა და უთხრა, რომ ქალებს სექსუალური სახის თავდასხმის შესახებ პირად გამოცდილებაზე ესაუბრათ, ეს კი საზოგადოებას დაანახებდა, რომ პრობლემა საკმაოდ მასშტაბურია.

ამავე კამპანიის ფარგლებში, ოსკარის მფლობელმა მსახიობმა რიზ უიზერსპუნმა საკუთარ გამოცდილებაზე ისაუბრა და თქვა, რომ ის ჯერ კიდევ 16 წლის ასაკში იყო სექსუალური შევიწროების მსხვერპლი ერთ-ერთი რეჟისორის მხრიდან.

"ჯერ კიდევ 16 წლის ვიყავი, როდესაც ერთ-ერთმა რეჟისორმა ჩემზე ძალადობა სცადა, მაგრამ აგენტებმა და პროდიუსერებმა დამარწმუნეს, რომ სიჩუმე ამ შემთხვევაში საუკეთესო გამოასავალი იქნებოდა. ბევრჯერ ვყოფილვარ ასეთ საშინელ სიტუაციაში, მაგრამ არასდროს მისაუბრია ამ თემაზე. მიხარია და ვამაყობ იმ მამაცი ქალებით, რომლებმაც ხმამაღლა დაიწყს საუბარი კინოინდუსტრიის, ჰოლივუდის ამ საშინელ ისტორიებზე", - ამბობს მსახიობი.

შეგახსენებთ, რომ სექსუალურ შევიწროებაზე საუბარი ჰოლივუდმა ასე მასშტაბურად ორი კვირის წინ დაიწყო, როდესაც ჰარვი ვაინშტაინი, ათწლეულების განმავლობაში ჰოლივუდის ყველაზე გავლენიანი პროდიუსერი, მსახიობებმა მათზე ძალადობაში დაადანაშაულეს.

გაიგეთ მეტი: სექსუალური შევიწროება კინოინდუსტრიაში - ჰოლივუდი ჰარვი ვაინშტაინის წინააღმდეგ