ოცნების ხელისუფლების პარლამენტის სოფლის მეურნეობის კომიტეტმა "ვაზისა და ღვინის შესახებ" კანონში ცვლილებები პირველი მოსმენით განიხილა.

ცვლილებების მიხედვით, სამეწარმეო მიზნებისთვის ვენახის გაშენებაზე ღვინის ეროვნული სააგენტოს ნებართვა იქნება საჭირო.

"თანხმობა ხელს შეუწყობს მევენახეების მიერ სერტიფიცირებული ვაზის ჯიშების გამოყენებას, რათა თავიდან ავიცილოთ საქმიანობის პროცესში შესაძლო ზიანი და დამატებითი დანახარჯები. აღნიშნული უზრუნველყოფს, რომ ქართული ღვინის პროდუქციის სტანდარტი სათანადო დონეზე დავიცვათ," — განაცხადა ოცნების ხელისუფლების გარემოს დაცვისა და სოფლის მეურნეობის მინისტრის მოადგილემ ზურაბ ეზუგბაიამ.

ეზუგბაიას განცახდებით, ღვინის ეროვნული სააგენტო თანხმობისთვის გასცემს დოკუმენტს, რომელიც ფიზიკურ ან იურიდიულ პირს სამეწარმეო ვენახის გაშენების უფლებას მისცემს.