მეტროსადგური სახელმწიფო უნივერსიტეტი გაიხსნა. დღეიდან საბურთალოს ხაზზე მგზავრებს კიდევ ერთი მეტროსადგური მოემსახურებათ, რომელიც ვაჟა-ფშაველას გამზირის ბოლოშია.

თბილისის 23-ე მეტროსადგურის სამშენებლო სამუშაოები 2015 წელს განახლდა. ეს მეტროსადგური 1995 წელს უნდა გახსნილიყო, თუმცა, მშენებლობა შეჩერდა. სამშენებლო სამუშაოების ღირებულება 83 მილიონი ლარია.

2015 წელს დაწყებული სამუშაოების დროს დაიგეგმა, რომ მეტროსადგური 2017 წლის სექტემბრის შუა რიცხვებში უნდა გახსნილიყო, მანამდე კი სატესტო რეჟიმში ემუშავა.