გორის ყოფილმა მერმა და "ოცნების" დეპუტატმა, ვლადიმერ ხინჩეგაშვილმა ამერიკულ თავისუფალი სტილით ჭიდაობის ორგანიზაცია Real American Freestyle-თან (RAF) კონტრაქტი გააფორმა. ამის შესახებ ინფორმაციას ორგანიზაცია RAF Wrestling თავად ავრცელებს.

"კიდევ ერთმა ოლიმპიურმა ჩემპიონმა გააფორმა კონტრაქტი:

ვერცხლი 2012 წელს.

ოქრო 2016 წელს.

ვლადიმერ ხინჩეგაშვილი RAFის წევრია", — წერია განცხადებაში.

ვლადიმერ (ლადო) ხინჩეგაშვილი ქართველი თავისუფალი სტილით მოჭიდავეა. ის 2016 წელს რიო-დე-ჟანეიროს ოლიმპიურ თამაშებზე ოქროს მედალი აიღო. არის ასევე ევროპის 3-გზის (2014, 2016, 2017) და მსოფლიოს (2015) ჩემპიონი. ხინჩეგაშვილი 2012 წლის ლონდონის ოლიმპიური თამაშების ვერცხლის პრიზიორი იყო 55 კგ წონით კატეგორიაში.

2015 წელს საქართველოს სპორტულ ჟურნალისტთა ასოციაციამ და საქართველოს სპორტისა და ახალგაზრდულ საქმეთა სამინისტრომ ის წლის საუკეთესო სპორტსმენად დაასახელა. 2018 წელს მიღებული აქვს ბრწყინვალების საპრეზიდენტო ორდენი.

რაც შეეხება ხინჩეგაშვილის პოლიტიკურ კარიერას, ის გორის მუნიციპალიტეტის მერია 2021 წლიდან.