აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ცნობით, ირანში დეკემბრის ბოლოს ანტისამთავრობო დემონსტრაციების დაწყებიდან სულ მცირე 2 403 მომიტინგე დაიღუპა.

HRANA-ს წარმომადგენელმა CNN-ს დაუდასტურა, რომ მათ შორის 12 18 წლამდე ასაკის მომიტინგეა. HRANA-მ ასევე განაცხადა, რომ დეკემბრის ბოლოდან სულ მცირე 18 137 ადამიანი დააკავეს.

ახალი მონაცემები HRANA-ს მიერ დაღუპულთა სავარაუდო რაოდენობის კიდევ ერთ მნიშვნელოვან ზრდას წარმოადგენს, სამშაბათს დაფიქსირებულ სულ მცირე 1,850-თან შედარებით.

CNN წერს, რომ ირანში ინტერნეტის მიმდინარე გათიშვის გათვალისწინებით, შესაძლებელია, რომ რეალური რიცხვი გაცილებით მაღალი იყოს.

ირანში დემონსტრაციები 2025 წლის 28 დეკემბერს დაიწყო. იმ დღეს, თეირანში მაღაზიების მეპატრონეებმა ეკონომიკური მდგომარეობის გაუარესების გამო პროტესტის ნიშნად თავიანთი ბიზნესები დახურეს. მოგვიანებით, საპროტესტო აქციებს სხვა მსხვილი ქალაქების მაცხოვრებლებიც შეუერთდნენ.