Netflix-ის პოპულარული სერიალის, Stranger Things-ის, ფინალის გამოსვლის შემდეგ, Spotify-ის ჩარტებში მნიშვნელოვანი ცვლილება დაფიქსირდა — მსახიობისა და მუსიკოსის Djo-ს, იგივე ჯო კირის, სიმღერა End Of The Beginning Spotify-ის გლობალური ჩარტის სათავეში მოექცა. მნიშვნელოვანი კი ისაა, რომ არც მეტი და არც ნაკლები, ჯო კირიმ პირველი ადგილი ტეილორს სვიფტს წაართვა. ზედიზედ 78 დღის განმავლობაში ტეილორ სვიფტი Spotify-ის გლობალური ჩარტის სათავეში იყო სიმღერით The Fate of Ophelia, რომელიც მომღერალმა 2025 წელს გამოუშვა.

End of Beginning თავდაპირველად ჯო კირის ალბომის, სახელად Decide-ის, ფარგლებში მოვისმინეთ. მართალია, ალბომი 2022 წელს გამოვიდა, თუმცა End of Beginning 2024 წელს TikTok-ის ტრენდად იქცა. მალევე ჯო კირიმ End of Beginning ცალკე სიმღერად გამოუშვა. Stranger Things-ის დასრულებისთანავე კი, სიმღერა Spotify-ის ჩარტის სათავეში აღმოჩნდა.

ამ მომენტში End of the Beginning Spotify-ის გლობალურ ჩარტში 8,8 მილიონი სტრიმით ლიდერობს, ხოლო The Fate of Ophelia-ის სტრიმების რაოდენობა 6,3 მილიონია. End of the Beginning ასევე პირველ ადგილზეა აშშ-ის Spotify-ის ჩარტშიც 1,8 მილიონი სტრიმით.