პროკურატურამ 4 ოქტომბრის საქმეზე დაკავებული ევა შაშიაშვილის მიმართ აღკვეთის ღონისძიების შეცვლის შესახებ შუამდგომლობა შეიტანა. ამის შესახებ ინფორმაციას ადვოკატი ლაშა ცუცქირიძე ავრცელებს. მისი განმარტებით, პროცესი 15:30-ზე ჩატარდება.

"კარგი ამბავი: სასამართლოდან დამიკავშირდნენ და შემატყობინეს, რომ პროკურატურამ ევა შაშიაშვილის მიმართ აღკვეთის ღონისძიების შეცვლის შესახებ შუამდგომლობა შეიტანა.

პროცესი ჩატარდება 15:30-ზე.

სასამართლოს შემადგენლობამ ფორმალურად შეგვატყობინა ინფორმაცია მათ შორის სხვა ბრალდებულების ადვოკატებსაც.

დიდი ალბათობით ევა ახალ წელს თავის შვილს ჩაეხუტება!

ევას ადვოკატი: მარიამ ხაჭაპურიძე", — წერს ლაშა ცუცქირიძე სოციალურ ქსელში.

ცნობისთვის, ევა შაშიაშვილის პროკურატურა სსსკ-ს 2 მუხლით ჩადენილ დანაშაულებს ედავება: სტრატეგიული ან განსაკუთრებული მნიშვნელობის ობიექტის ხელში ჩაგდებას ან ბლოკირებას (სისხლის სამართლის კოდექსის 222-ე მუხლის მეორე ნაწილი) და ჯგუფური ძალადობის ორგანიზებას, ხელმძღვანელობას ან მასში მონაწილეობას (225-ე მუხლის მეორე ნაწილი).

ევა შაშიაშვილი ონკოპაციენტია. მას 24 წლის შშმ პირი შვილი ჰყავს, რომელსაც საავადმყოფოში ყოფნის ვადა ეწურება და დედის გარდა სხვა მომვლელი არ ჰყავს.