"ყველა მტკიცებულება დევს, მართლა 300 ათასი მითური ქართველივით ხომ არ არის, რომ გაჩნდეს IP მისამართიდან ამდენი კომუნიკაცია? ტექნიკურ-მეცნიერულ დონეზე დადასტურებულია ეს კომუნიკაცია დამამხობლებსა და ახალაიებს შორის", — ამის ოცნების პარლამენტის თავმჯდომარემ, შალვა პაპუაშვილმა ექსმინისტრ ბაჩო ახალაიას საქმეზე საუბრისას ბრიფინგზე განაცხადა.

მისი თქმით, ბაჩო ახალაიამ "ისიც კი ვერ გაბედა, საკუთარ თავზე დაეტოვებინა პასუხისმგებლობა და მეუღლისთვის პასუხისმგებლობა ჩამოეშორებინა.

"მეუღლე სპიკერად ჰყავდა დანიშნული. კარგი, ჩვენს დანახულს არ უჯერებენ, მაგრამ თავად რადიკალების მხრიდანაც ხომ ეს კარგად ჩანდა. ქალბატონი თამარ ჩერგოლეიშვილი აფასებს ბაჩო ახალაიას მეუღლის ქმედებას, რომელიც სპიკერი იყო ხელისუფლების დამხობის შეკრების ორგანიზებისა. აქამდე პოლიტიკური აქტივობით არ გამოირჩევა და ორი სამი თვე ინტენსიურად პირდაპირ მოუწოდებდა ხალხს 4 ოქტომბრის ხელისუფლების დამხობის შეკრებისკენ და და ის ვინც კრიტიკულ აზრს გამოთქვამს, თავს ესხმოდა. ხელის გულზე იდო, რაც ხდებოდა და რაც გამოაშკარავდა.

ბაჩო ახალაიამ საკუთარი მეუღლეც კი არ დაიცვა. აბსოლუტურად ლოგიკური იყო რომ უსაფრთხოების სამსახურს უნდა ჰქონოდა კითხვები მისი მეუღლის მიმართ, რომლის სახელზეცაა რეგისტრირებული IP. შესაბამისად, კომუნიკაცია რომელიც შედგა ბაჩო ახალაიას და სხვებს შორის, ხორციელდებოდა მისი მეუღლის IP მისამართიდან. მან ეს თვისებაც კი ვერ გამოავლინა, რომ საკუთარი მეუღლისთვის აერიდებინა ბრალი, იცით რომ საქმის ფიგურანტია. სხვა მტკიცებულებები თუ იქნება, რა თქმა უნდა, საგამოძიებო სამსახური იმსჯელებს მის ბრალეულობაზე. თუმცა, როგორც იყენებდა მეუღლის IP მისამართს იმისთვის, რომ რევოლუციური გეგმა დაესახა, ვნახეთ, რა ხშირი კონტაქტი ჰქონდა ამ დამამხობლებთან, ზუსტად ისე იყენებდა მეუღლეს, როგორც სპიკერს. ეს ადამიანი საკუთარი მეუღლის ზურგს ამოეფარა და ისე აპირებდა ქვეყნის დამხობას.

...ანა ნადარეიშვილს იყენებდა როგორც სპიკერს დამხობის წინა პერიოდში. აღმოჩნდა, რომ მის მისამართს ეფარებოდა რომ კომუნიკაცია ჰქონოდა დამამხობლებთან. საბოლოო ჯამში, მეუღლეც კი გაწირა სისხლის სამართლის პასუხისმგებლობისთვის. ისიც კი ვერ გაბედა, საკუთარ თავზე დაეტოვებინა პასუხისმგებლობა, მეუღლისთვის პასუხისმგებლობა კი ჩამოეშორებინა. ყველა მტკიცებულება დევს, მართლა 300 ათასი მითური ქართველივით ხომ არ არის, რომ გაჩნდეს IP მისამართიდან ამდენი კომუნიკაცია. ტექნიკურ-მეცნიერულ დონეზე დადასტურებულია ეს კომუნიკაცია დამამხობლებსა და ახალაიებს შორის", — განაცხადა ოცნების პარლამენტის თავმჯდომარემ, შალვა პაპუაშვილმა ექსმინისტრ ბაჩო ახალაიას საქმეზე.

25 დეკემბერს, სუს-ში დაკითხვაზე მისული ექს თავდაცვის მინისტრი ბაჩო ახალაია 4 ოქტომბრის საქმეზე დააკავეს. უწყების ცნობით, ბაჩო ახალაიას ცოლის ანნა ნადარეიშილის აიპი მისამართებსა და ბრალდებულ ორგანიზატორების ინტერნეტაპლიკაციებს შორის 343 შემდგარი ინტერნეტსესია, ფიქსირდება. მათივე ცნობით, ბაჩო ახალაიასთან ერთად დააკავეს მისი მეუღლეც, თუმცა, ანა ნადარეიშვილი შემდეგ გაათავისუფლეს.