საქართველოს სტატისტიკის ეროვნული სამსახურის მონაცემებით, საქართველოში 2016 წლის იანვარ-მაისში გასული წლის იგივე პერიოდთან შედარებით ექსპორტი $780 მილიონით შემცირდა, რაც 12 პროცენტის ტოლფასია. რაც შეეხება იმპორტს, აღნიშნული მაჩვენებელი 8 პროცენტით არის გაზრდილი და $3,290 მილიარდს მიაღწია. საქართველოს უარყოფითმა სავაჭრო ბალანსმა 2016 წლის იანვარ-მაისში $2,509 მილიონი და საგარეო სავაჭრო ბრუნვის 62 პროცენტი შეადგინა.

ფოტო: საქსტატი

საქართველოს საექსპორტო პროდუქციის ხუთეული ასე გამოიყურება:

  • სპილენძის მადნები და კონცენტრატები - 16,2%;
  • ფეროშენადნობები - 8,4%;
  • მსუბუქი ავტომობილები - 8,1%;
  • თხილი და სხვა კაკალი - 7,4%;
  • სამკურნალო საშუალებები - 5.1%;

რაც შეეხება იმპორტს, აქ ლიდერის პოზიციას კვლავ სამკურნალო ინარჩუნებს.

ფოტო: საქსტატი

როგორც გრაფიკზე ჩანს, 2016 წლის 5 თვეში სამკურნალო საშუალებებმა მთელი იმპორტის 23 პროცენტი შეადგინა. მეორე ადგილზე იმყოფებოდა ნავთობის და ნავთობპროდუქტების სასაქონლო ჯგუფი 6 პროცენტით, მესამე ადგილზე მსუბუქი ავტომობილები, რაც მთლიანი იმპორტის 5 პროცენტია.