ყოველ წელს The New York Times-ის კინოკრიტიკოსები წლის ტოპ 10 ფილმის სიას აქვეყნებენ. თუმცა ნიუსრუმში კინოს უამრავი სპეციალისტი გვყავს და, დიდი ეკრანისთვის მართლაც გამორჩეულ წელს, გვინდოდა გაგვეგო, რომელი ფილმები დაამახსოვრდათ მათ ყველაზე მეტად. ამიტომ გამოვკითხეთ 16 თანამშრომელი, რომლებიც მნიშვნელოვან როლს ასრულებენ ჩვენი კინოგაშუქების ფორმირებაში. აი 2025 წლის 25 ყველაზე გამორჩეული ფილმი:

1. 28 Years Later

დენი ბოილმა ამ ისტორიით გააცოცხლა ფილმში "28 დღის შემდეგ" (2002) ნაჩვენები, ზომბებით სავსე ბრიტანეთი. ეს არის ამბავი ბიჭზე, რომელიც სასოწარკვეთილი ცდილობს დედის გადარჩენას. ეკრანზე უხვად გვხვდებიან ახლა უკვე "განვითარებული" მონსტრები, მაგრამ სიკვდილისადმი დამოკიდებულება: სიფრთხილე და პატივისცემა, სწორედ ის არის, რაც ამ ფილმს სხვებისგან გამოარჩევს.

2. Black Bag

სტივენ სოდერბერგი სექსუალური, ცბიერი ჯაშუშობის სასიკვდილო დოზას გვთავაზობს ამ თრილერში, სადაც მთავარ როლებს ქეით ბლანშეტი და მაიკლ ფასბენდერი ასრულებენ. ისინი დაქორწინებულ ჯაშუშები თამაშობენ, რომლებიც იმდენად ელეგანტურები და დახვეწილები არიან, რომ შეუძლებელია მათი ხრიკების ტყვეობაში არ ჩავარდე.

3. Blue Moon

ეთან ჰოუკი შთამბეჭდავია ბროდვეის ტექსტების ავტორის, ლორენც ჰარტის როლში — კაცი, რომელიც ალკოჰოლში ახშობს საკუთარ ტკივილს, რადგან ვერ ეგუება ვერც ახალ ბროდვეის და ვერც საკუთარ ძველ თავს.

4. Bugonia

ზოგი შეიძლება ტედის (ჯესი პლემონსი) კონსპიროლოგს ეძახდეს, მაგრამ მას ჩატარებული აქვს თავისი კვლევა და დარწმუნებულია, რომ ადგილობრივი კომპანიის აღმასრულებელი დირექტორი (ემა სტოუნი) უცხოპლანეტელია. თუმცა, ეს იორგოს ლანთიმოსის ფილმია — ასე რომ, მოემზადეთ.

5. Come See Me in the Good Light

პოეტ ანდრეა გიბსონის კიბოსთან ბრძოლის შესახებ ეს დოკუმენტური ფილმი ისეთივე მწვავეა, როგორც ღრმა. და ის საშუალებას აძლევს გიბსონს, რომელიც ივლისში გარდაიცვალა, სასწრაფოდ შეგვახსენოს: სიხარულის პოვნის დრო ახლაა.

6. Eddington

შიშის ჟანრის ოსტატმა არი ასტერმა ამჯერად პანდემიის ეპოქის ფარსი შემოგვთავაზა, კონსერვატორი შერიფისა და ლიბერალი მერის დაპირისპირების შესახებ, რომელიც შოკისმომგვრელ ფინალამდე მიდის. მიუხედავად იმისა, რომ ეს მთლად ჰორორი არ არის, ტოქსიკური მასკულინობისა და პოლიტიკური რადიკალიზაციის დანახვა მაინც ძალზე შემზარავია.

7. Frankenstein

გილერმო დელ ტორომ ამ საგით ბოლოს და ბოლოს მიაღწია თავის დიდ მიზანს. მიუხედავად იმისა, რომ მერი შელის რომანისგან ხშირად გადაუხვია, მან მაინც სრულად დაიჭირა გოთიკური დიდებულებისა და ტკივილის გული და ამავდროულად იმედის ნაპერწკლებიც შემოგვთავაზა, რომლებიც ზედმეტად ტკბილიც არ ჩანს.

8. Friendship

ეს კომედია, დაარქვით “ქრინჯი” თუ “შავი”, ორივე მოუხდება, ტიმ რობინსონის მონაწილეობით, რომელიც შემაწუხებელი კაცის ასრულებს. მისი მეზობლის (პოლ რუდი) მიმართ აკვიატება საზღვარს სცდება. ფილმი იმდენად სიურეალისტურია, რომ დაგაბნევთ, და იმდენად რეალისტური, რომ შეგაშფოთებთ.

9. Hamnet

ეს ღრმად ამაღელვებელი მედიტაცია ხელოვნებაზე, ცხოვრებასა და განსაკუთრებით სიკვდილზე, შესაძლოა შექსპირის იმ შვილის სახელს ატარებს, რომელიც მხოლოდ 11 წლის ასაკში გარდაიცვალა. თუმცა ფილმიდან სწორედ მისი მეუღლე, აგნესი (ჯესი ბაკლის შესრულებით) გვტოვებს განადგურებულებს.

10. Hedda

იბსენის კლასიკური პიესა "ჰედა გაბლერი" რეჟისორ ნია დაკოსტას ახალ ვერსიაში საოცრად თანამედროვედ და ცოცხლად ჟღერს. ამბავი ჩაკეტილ ცოლზე, მის ქმარსა და საყვარელზე გადატანილია უფრო მრავალფეროვან, 1950-იანი წლების ბრიტანეთში. ფილმის მფეთქავი გული ტესა ტომპსონის მკვეთრი და ბასრი შესრულებაა.

11. If I Had Legs I’d Kick You

მერი ბრონსტეინის დრამა დედაზე, რომელიც ძლივს უმკლავდება შვილის იდუმალ ავადმყოფობას, მაყურებელში ურთიერთგამომრიცხავ რეაქციებს იწვევს. თუმცა ერთ საკითხში ყველა თანხმდება, როუზ ბაირნის ბრწყინვალე შესრულება გადაღლილი დედის როლში გამორჩეულია.

12. It Was Just an Accident

ირანის რეჟიმის ყოფილი პატიმრები ქუჩაში შენიშნავენ კაცს, რომელზეც ფიქრობენ, რომ ის ზედამხედველია, ვინც მათ აწამებდა. საკვანძო სიტყვაა "ფიქრობენ".

13. K-Pop Demon Hunters

ეს მომხიბვლელი ანიმაციური მიუზიკლი K-pop გოგონათა ჯგუფზე, რომლებიც დემონებს ებრძვიან და სამყაროს იხსნიან, არა მხოლოდ ბოროტებას ამარცხებს, არამედ პოპკულტურის სამყაროსაც იპყრობს. ფილმმა თაობებს შორის გადამდები ისეთი ფანდომი შექმნა, რომელსაც სიამოვნებით დავუჭერთ მხარს.

14. Lurker

ფანდომი, რომელსაც მხარს ვერ დავუჭერთ, სწორედ ამას იკვლევს ეს "არც მთლად თრილერი". მზარდი პოპულარობის მქონე პოპვარსკვლავი (არჩი მადეკვე) თავის გარემოცვაში იმატებს თითქოს შემთხვევით კაცს (თეოდორ პელერენი).

15. Marty Supreme

ერთი შეხედვით სატირას ჰგავს — სპორტული დრამა მაგიდის ჩოგბურთზე? თუმცა, რეჟისორი ჯოშ საფდი “Uncut Gems”-ის (რომელიც თავის ძმასთან, ბენისთან ერთად გადაიღო) მძაფრ ენერგიას იყენებს, რათა ტიმოთი შალამეს თავის გამოსაჩენად საუკეთესო ასპარეზი შესთავაზოს.

16. One Battle After Another

პოლ თომას ანდერსონის პოლიტიკურად დამუხტული ამერიკული ეპოსი, სადაც ლეონარდო დიკაპრიო განადგურებულ რევოლუციონერს ასრულებს, კაცს, რომელიც კვლავ ბრძოლაში ეშვება, ამჯერად თავისი ქალიშვილის სიცოცხლის გადასარჩენად. ფილმი ნერვების მომშლელ მოქმედებას შავ იუმორთან აბალანსებს და უკვე შედევრად არის შერაცხული.

17. The Perfect Neighbor

თითქმის მთლიანად პოლიციის სამხრე კამერების, სახლის უსაფრთხოების კამერების, დაკითხვის ოთახებისა და საინფორმაციო სიუჟეტების მასალაზე აგებული ეს დოკუმენტური ფილმი ფლორიდაში 2023 წელს მეზობლის მიერ მოკლული ქალის საქმეს ეხება და "true crime" ჟანრის ევოლუციის ნათელ მაგალითად იქცა.

18. Roofman

გახსოვთ, რას ნიშნავდა კინოვარსკვლავი? ჩანინგ ტეიტუმი ამას ნამდვილად გვახსენებს და სულსა და ხიბლს სძენს კარიერულ კრიმინალზე ამ ისტორიას, რომელიც ციხიდან გაქცევის შემდეგ Toys 'R' Us-ში იწყებს ცხოვრებას.

19. The Secret Agent

1970-იან წლებში, მზით გაჟღენთილ ბრაზილიის ქალაქ რესიფეში, ქვრივი პროფესორი დიქტატურის ძალოვანებს ემალება. მოდით ვაგნერ მოურას ბრწყინვალე შესრულებისთვის და დარჩით უდო კირის დაუვიწყარი სცენისთვის, ჰოლოკოსტის გადარჩენილის როლში.

20. Sentimental Value

დედის გარდაცვალების შემდეგ, თეატრის ცნობილი მსახიობი (რენატე რეინსვე) და მისი და იძულებულნი არიან, გაუმკლავდნენ კიდევ უფრო ცნობილ მამას, რეჟისორს (სტელან სკარსგარდი), რომელთანაც წლებია გაწყვეტილი აქვთ ურთიერთობა. იოახიმ ტრიერის საოცრად ჰუმანური დრამა.

21. Sinners

რაიან კუგლერის ბლოკბასტერული ვამპირული ექსტრავაგანზა, რომელშიც მთავარ როლს მაიკლ ბ. ჯორდანი ასრულებს ტყუპების როლში, რომლებიც ჯიმ კროუს ეპოქის მისისიპიში ბარს ხსნიან. ფილმი ტრიუმფალურია, როგორც წარსულის კავშირებისა და მუსიკის მისტიკური, უკვდავი ბუნების შესახებ მედიტაცია.

22. Sirāt

მამა, რომელიც მაროკოში თავის დაკარგულ ქალიშვილს ეძებს, იგებს, რომ შესაძლოა, ის საჰარის გადაღმა, სხვა კონცერტზე იმყოფებოდეს. ეს ყველაფერია, რაც უნდა იცოდეთ ოლივერ ლაქსეს ამ დრამის ნახვის წინ, რომელიც დღემდე გვაოცებს.

23. Sorry, Baby

ეს არ არის ისეთი დამოუკიდებელი ფილმი, სადაც ადამიანებს არ შეუძლიათ თავიანთი პრობლემების ვერბალიზაცია. თუმცა, მათი დასახელება და მათთან შეგუება ამ ულამაზეს დრამაში საკმაოდ განსხვავებუულია სცენარისტის, რეჟისორისა და მთავარი როლის შემსრულებელი ევა ვიქტორისგან.

24. Train Dreams

დენის ჯონსონის ბევრისთვის საყვარელი რომანის ამ ადაპტაციაში ერთი ჩვეულებრივი ცხოვრების რკალი ეპიკური იერსახით გამოირჩევა, რადგან ჩვენ ვაკვირდებით ჯოელ ედგერტონის მუშას მე-20 საუკუნის დასაწყისიდან კოსმოსურ ხანამდე.

25. Weapons

ამ ჰორორ-ჰიტში, რომელიც ბნელ მაგიას ეხება, რეჟისორმა ზაკ კრეგერმა მორევივით დაატრიალა მოულოდნელი სვლები, ტყის დამტვრეული ტოტები და დამსხვრეული სახეები და ამავდროულად შექმნა წლის ერთ-ერთი ყველაზე დიდი პოპკულტურული ხატი: პომადით მოთხვრილი, წითელპარიკიანი ბოროტმოქმედი.