წელს დედაქალაქის მთავარი ნაძვის ხე რუსთაველის გამზრის მაგივრად რესპუბლიკის მოედანზე განთავსდება. თბილისის მერის, კახი კალაძის განცხადებით, მთავარი ნაძვის ხე 12 დეკემბერს, 20:00 საათზე აინთება.

"აქტიურ სამუშაოებს ვაწარმოებთ პირველი რესპუბლიკის მოედანზე, სადაც განთავსდება მთავარი ნაძვის ხე და "საშობაო სოფელი". ყველაფერს ვაკეთებთ, შევქმნათ საახალწლო გარემო და იქ მისულს, დიდს თუ პატარას, შეექმნას განწყობა.

გეპატიჟებით ყველას, მობრძანდით 12 დეკემბერს 20:00 საათზე, პირველი რესპუბლიკის მოედანზე, სადაც დედაქალაქის მთავარ ნაძვის ხეს ერთად ავანთებთ," — თქვა კალაძემ.